Quarta, Janeiro 19, 2022
Total visitors: 600398

Ministeriu Edukasaun Juventude no Desportu (MEJD) produz ona livru hamutuk 700 hodi ofrese ba eskola iha area remotas, iha Timor-Leste laran, ne'ebe mak identifikadu menus livru ba professores no estudante sira.

Diteror Geral Administrasaun MEJD, Antoninho Pires, hateten eskola ne'ebe identifikadu ona menus livru ne'e hamutuk 200 resin.

Diteror Geral Administrasaun MEJD, Antoninho Pires, hateten eskola ne'ebe identifikadu ona menus livru ne'e hamutuk 200 resin no problema menus livru, sira infrenta iha tinan barak nian laran ona.

Nia hateten, iha tinan 2018 governu halo distribuisaun livru ba eskola hotu iha Timor-Leste livru 4,000 resin maibe la to'o tanba numeru estudante no professor barak liu.

"Maibe iha tinan ida ne'e ita halo ona produsaun ba livru ba estudante no manual ba professor hamutuk 700 hodi ofrese ba eskola 200 resin ne'ebe mak identifikadu ona menus livru," DG Admistrasaun MEJD Pires hateten.

Nia dehan, livru hirak ne'e produz iha sentru impresaun MEJD nian iha Comoro, Dili, total orsamentu ne'ebe gasta hodi produz livru hamutuk $7,000 husi governu rasik.

"Livru 700 ne'e ita prepara hotu ona no semana oin ekipa hahu halo ona distrubuisaun ba eskola 200 iha area retomas ne'ebe mak falta livru,"nia salienta.

Alende ne'e, nia husu ba professsor no estudante sira ne'ebe sei benefisia ba livru refere atu kuidadu didiak, nune'e tinan seluk, estudante seluk bele utiliza fali.

Entretantu, Kordenador Rede Edukasaun Timor-Leste Coalition for Education (TLCE), Jose Monterio, hateten problema menus livru ne'e, kuaze eskola hotu tanba livru ne'ebe mak ministeriu edukasaun apoiu iha tinan 2018 ne'e agora dadaun at hotu ona.

"Ezemplu ita hare hanesan inundasaun ne'ebe mak akontese, eskola barak mak afetadu inklui material eskolar sira la aproveita," Kordenador TLCE Monterio dehan.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04