Quarta, Janeiro 19, 2022
Total visitors: 600398

Primeiru Ministru (PM) Taur Matan Ruak apresia ho esforsu igreja katolika iha Timor-Leste durante ne'e hodi halo estabelesimemtu Universidade Katolika Timor (UKT), iha Balide, iha kapital Dili, ne'ebe dadaun ne'e hahu ona aktividade letivu.

PM Ruak hateten, ho estabelesimentu UKT bele dezenvolve diak liu tan kapasidade joven sira nian liu husi siensia.

PM Ruak hateten, ho estabelesimentu UKT bele dezenvolve diak liu tan kapasidade joven sira nian liu husi siensia.

"Estabelesimentu instituisaun ensinu superior ida ne'e bele dezenvolve diak liu tan kualidade no hasa'e konhesimentu tekniku, sientifiku no iha valor moral ne'ebe bo'ot ba sosiadade no igreija katolika iha Timor," PM Ruak hateten iha Balide Dili.

Tanba ne'e, PM Ruak agradese tebes ba kolaborasaun tomak husi parte igreija ho governu no peritu sira hotu hodi realiza estabelesimentu UKT.

"Ita fiar katak husi prezensa UKT ho kualidade diak hodi kapasita ita nia joven sira hodi responde moris diak sosial, hadia kondisaun moris, diversifika ekonomia no hasae produtividade," nia hateten.

Iha fatin hanesan, Reitor UKT, Padre Joel Casimiro Pinto, hateten universidade privada ne'e prontu ona simu estudante foun ne'ebe hakarak kapasita an husi formasaun formal iha lisensiatura iha area peskija no investigasaun.

"Dadaun ne'e ita hahu ona halo rejistrasaun ba estudante sira, maibe ita sei halo limitasaun kada departamentu ida ita presija deit estudante nain 25. Ita halo ida ne'e atu bele hetan nian kualidade estudante, laos kuantidade," Reitor UKT Casimiro hateten.

Nia dehan iha UKT primeiro sei la hahu aula semester primeiru nain, maibe hahu ho aula ida hanaran pre-semestre durante fulan neen hodi fo oportunidade ba estudante sira tuir formasaun lian portugues no ingles, depois mak hahu aula.

"Ita halo ida ne'e tanba ita iha kriteiru katak estudante hotu ne'e hakarak eskola iha Universidade Katolika Timor, tenke hatene lian rua ne'e tanba ita sei la tolera estudante ida koalia tetum," nia salienta.

Nia hatene UKT ejiste atu promove kualidade estudante laos kuantidade estudante tanba ne'e, universidade prepara ona kriteiru ba estudante sira ne'ebe hakarak ba kuntikua iha UKT.

Enkuantu nia informa tan katak maske UKT ho nia estatutu katolika maibe fo oportunidade ba ema hotu atu ba aprende no la halo diskriminasaun ba estudante sira.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04