Quinta, Dezembro 08, 2022
Total visitors: 692025

Ministeriu Edukasaun Juventude no Desportu (MEJD) halo ona produsaun ba pontos ezame nasional ba estudante finalista hamutuk nain 58.224 iha sentru impresaun Comoro Dili.

Ministeriu Edukasaun Juventude no Desportu (MEJD) halo ona produsaun ba pontos ezame nasional ba estudante finalista hamutuk nain 58.224 iha sentru impresaun Comoro Dili.

Ministru MEJD hateten, ezame nasional ba estudante finalista iha tinan ida ne'e direferensa ho tinan sira seluk tanba kada tinan sempre realiza iha fulan outobru maibe iha tinan ida ne'e adia ba fulan dezembru tanba situasaun covid no durante ne'e estudante sira la eskola.

"Ezame nasional ita adia ba fulan dezembru nune'e estudante sira bele tuir lai prosesu aprendisagem hodi hetan materia maibe pontos ezame nasional nian ita hahu halo ona produsaun iha sentru impresaun Comoro Dili," MEJD Maia hateten.

Nia dehan, total estudante ne'ebe mak partisipa iha ezame nasional ne'e hamutuk 58.224 kompostu husi ensinu baziku iha 31.143 no ensinu sekundariu jeral 22.223 estudantes no tekniku vokasional iha 4.858 estudantes.

"Ita husu ba estudante sira atu prepara an estuda ho didiak nune'e bele partisipa iha ezame nasional ho diak nune'e mos tenke kuidadu saude," nia salienta.

Alende ne'e nia dehan, materia ne'ebe tama ba ezame nasional, materia jeral mak hanesan, lingua Portugues, Ingles no Matematika, ba Siensia Sociais Humanitaria, Economia, Goegrafia, Sociologia, Historia, ba Siensia Naturais Matematika, Biologia, Geologia, Fisika no Kimika ba ensinu vokasional sira materia jeral no materia espesialidade sira.

Nia dehan, iha prosesu produsaun pontos ezame nasional ne'e hetan apoiu seguransa husi polisia to'o remata bainhira ezame nasional hotu.

Iha fatin hanesan, Kordenador Sentru Impresaun, Pedro Gonsalves, hateten prosesu impresaun ne'e iha ema main 70 mak apoiu halo produsaun ba materia ezame nasional.

"Ema nain 70 ne'e konfidensial hodi asegura dokumentu tomak relasionadu ho ezame nasional nian no sira asina ona termo kofidelidade," Kordenador SI Gonsalves hateten.

Nia dehan, husi ekipa ne'e mos hetan apoiu seguransa husi Polisia Nasional Timor-Leste PNTL hodi garante seguransa ho apoiu ekipa teknika nia servisu labele hetan amiasa ka hamosu tan problema seluk.