Sexta, Março 29, 2024
Total visitors: 766366

Eskola 15 iha munisipiu Manufahi identifikadu ona tama ba implementasaun Programa Konstrusaun Rehabilitasaun Infraestrutura Eskolar (PKRIE) husi Ministeriu Edukasaun Juventude no Desportu (MEJD).

Eskola 15 iha munisipiu Manufahi identifikadu ona tama ba implementasaun Programa Konstrusaun Rehabilitasaun Infraestrutura Eskolar (PKRIE) husi Ministeriu Edukasaun Juventude no Desportu (MEJD).

Diretora Jeral MEJD, Odelia Martins, hateten eskola 15 ne'ebe identifikadu ona ne'e kompostu husi pre eskolar to'o sekubdariu jeral no tekniku vokasional, no eskola hirak ne'e kondisaun la diak no fo impaktu ba estudante nia vida.

Nia dehan, programa PKRIE ne'e implementa hodi responde ba populasaun nia ejijensia no halerik konba setor edukasaun ne'ebe mak infraestrutura eskola fo amiasa ba estudante no professor sira nia vida, iha tempu udan no anin liu-liu iha Manufahi.

"Total eskola 32 iha munisipiu Manufahi iha eskola 15 mak identifikadu ona kondisaun la diak no tama ba implementasaun Programa PKRIE," DG MEJD Martins hateten.

Nia dehan, implementasaun programa ne'e atu garante nia kualidade iha prosesu konstrusaun hahu ho mata dalan, implementasaun PKRIE tuir despaxu ministerial numeru 35 hodi regula prosesu tomak konstrusaun komunitaria nian.

Entretantu, Kordenador Rede Edukasaun Timor-Leste Coalition for Education (TLCE), Jose Monterio, hateten implementasaun PKRIE ne'e diak tebes hodi hadia infraestrutura eskola sira ne'ebe mak sei hakdasak.

"Programa Konstrusaun ho Rehabikitasaun Infraestrutura Eskolar ne'e pozitivu tebes maibe ita husu atu asegura kualidade konstrusaun nune'e bele utiliza iha longu tempu," TLCE Monterio saliente.

Tanba ne'e nia dehan, prosesu rehabilitasaun ne'e tenke tuir nia mata dalan no bainhira atu halo mudansa tenke halo karta ba diretor eskola.

Nia dehan, problema infraestrutura eskolar ne'e atu rezolve dala ida ne'e imposivel, maibe fazeadamente.