Quarta, Setembro 22, 2021

Reprezentante Povu iha Uma Fukun Parlamentu Nasional (PN) husu Ministeriu Ensinu Superior Siensia no Kultura (MESSK) tenke apoiu subsidiu ba estudante sira iha rai liur tanba, estudante barak hasoru problema durante pandemia global Covid-19 nian.

Reprezentante Povu iha Uma Fukun Parlamentu Nasional (PN) husu Ministeriu Ensinu Superior Siensia no Kultura (MESSK) tenke apoiu subsidiu ba estudante sira iha rai liur tanba, estudante barak hasoru problema durante pandemia global Covid-19 nian.

Deputadu Aderito Hugo da Costa, iha Parlamentu Nasional, hateten politika governu nian ba apoiu propinas ba estudante iha rai laran, tenke apoiu mos ba estudante Timor oan sira ne'ebe mak oras ne'e dadaun hala'o estudu iha rai liur sem bolsu estudu.

"Ita nia estudante hotu ne'ebe eskola iha rai liur, laos bolsu estudu maibe balun inan aman mak responsabilidade rasik ba propinas no nesesidade lor-loron nian," Deputadu Hugo hateten liu husi Plenaria iha PN.

Tanba ne'e, nia husu governu liu husi Ministeriu Ensinu Superior Siensia no Kultura (MESSK) tenke mos fo apoiu subsidi propinas ba estudante sira iha rai liur tanba ho pandemia ne'e familia barak ne'ebe nia oan eskola iha rai liu sem bolsu estudu ne'e enfrenta problema propinas no oin-oin.

"Ita lakoi estudante Timor oan sira ne'ebe mak eskola iha rai liur infrenta problema ida ne'e tanba ne'e governu tenke tau atensaun mos ba propionas ba eatudante nao bolseiro iha rai liu," nia hateten.

Iha fatin hanesan Ministru MESSK, Longuinhos do Santos, hateten konaba propinas ba estudante nao bolseiru sira iha rai liur governu seidauk iha hanoin atu apoiu.

"Oras ne'e dadaun iha apoiu deit propinas ba estudante rai laran tanba, estudante nao bolseiru iha rai liur ita apoiu ona iha fulan hirak liu ba," MESSK Santos dehan.

Nia dehan, atu apoiu propinas ba estudante nao boleiru iha rai liur ba etapa segundu nian governu sei tetu lai depois aprezenta ba iha konseliu ministrus hodi foti desizaun.

Maibe nia dehan, konaba pagamentu propinas ba estudante bolseiru sira iha estrangeiru oras ne'e dadaun pagamentu lao diak tebes.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04