Domingo, Junho 20, 2021
Total visitors: 566016

Universidade Nasional Timor-Lorosa’e (UNTL) foin primeira vez realiza graduasaun virtual ba graduante hamutuk nian 242 husi fakuldade (5) lima iha Hera.

Universidade Nasional Timor-Lorosa’e (UNTL) foin primeira vez realiza graduasaun virtual ba graduante hamutuk nian 242 husi fakuldade (5) lima iha Hera.

Reitor UNTL, Joao Martins, hateten graduasaun virtual ne’ebe konsegue realiza ne’e hodi responde ba kalendariu akademika nian, maske liu husi virtual ka online maibe finaliza ho diak hodi fasilita finalista bele gradua iha situasaun serka sanitaria ka konfinamentu domisiliaria jeral.

“Maske foin primeira vez ita realiza graduasaun virtual maibe responde duni ba graduante no inan aman sira nain hakarak,” Reitor UNTL Martins hateten.

Nia dehan, graduante nain 242 ne’ebe partisipa iha graduasaun virtual ne’e husi fakuldade 5 hanesan, Fakuldade Medisina, Fakuldade Edukasaun Arte Humanidade (FEAH), Fakuldade Economia Jestaun, Fakuldade Siensia Sosial, no Fakuldade Engenheria.

“Tuir lolos finalista hamutuk nain 633 mak partisipa iha graduasaun virtual ida ne’e tuir lista ne’ebe mak aprezenta ba Ministeriu Ensinu Superior Siensia no Kultura (MESSK) maibe aprova deit 242 no finalista nain 391 hein graduasaun prezensial,” nia hateten.

Tanba ne’e agradese ba ekipa ne’ebe mak servisu makas hodi halo instalasaun ba ekipamentu eletroniku ne’ebe mak ohin utiliza hodi realiza graduasaun virtual ida ne’e hahu husi abertura to’o rematan diak tebes.

Entretantu, Graduante Maria Gorrete hateten, meios ne’ebe mak universidade utiliza hodi fasilita finalista hodi remata estudu iha Universidade Nasional Timor-Lorosa’e (UNTL) maske graduasaun virtual ka online maibe nafatin agradese tanba maske iha situasaun difisil maibe universidade nafatin esforsu ohin finalista hamutuk 242 ne’ebe simu graduasaun.

“Mai hau pesoal orgulhu tebes tanba maske husi graduasaun online maibe ohin hau konsegue realiza duni mehi ne’ebe hau iha no hatudu ba inan aman katak hau susesu ona liu husi sakrifisiu ne’ebe mak durante ne’e sira halo mai hau,” nia hateten.

Tanba ne’e, nia agradese ba oportunidade graduasaun virtual ne’e momentu ne’ebe importante tebes no ba dala uluk realiza iha Timor iha Universidade Nasional Timor-Lorosa’e (UNTL).

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04