Domingo, Junho 20, 2021
Total visitors: 566016

Ministeriu Ensinu Superior Siensia no Kultura (MESSK), identifika ona dados estudante ensinur superior sira iha rai laran hamutuk nain 61.239 mak sai benefisiariu ba apoiu internet no propinas semestre nian.

Ministeriu Ensinu Superior Siensia no Kultura (MESSK), identifika ona dados estudante ensinur superior sira iha rai laran hamutuk nain 61.239 mak sai benefisiariu ba apoiu internet no propinas semestre nian.

Ministru MESSK, Longuinhos do Santos, hateten dados ne'ebe mak ministeriu asesu ne'e ofrese husi instituisaun ensinu superior publiku no privadu hamutuk 18 ne'ebe mak eziste iha Timor-Leste.

"Husi dados ne'ebe ita hetan ne'e total estudante ne'ebe mak sai benefisiariu ba apoiu ne'e hamutuk nain 61.329," Ministru MESSK Santos hateten.

Nia dehan dados estudante nian ne'e verifika los hotu ona, maibe ekipa verifikasaun sei komunika fali kada instituisaun sira ne'e konaba dados lolos nune'e estudante hotu bele asesu hotu ba apoiu ne'e.

"Apoiu ne'e ita fahe ba parte rua mak hanesan internet ita kopera ho instituisaun telekomunikasaun ne'ebe eziste hodi ofrese internet gratuitu ba estudante sira, no propinas semestre ita selu tuir klass regular no extensaun nian," nia hateten iha Dili.

Nia dehan, konaba propinas governu sei la ofrese direita ba estudante maibe transfer direta ba rekening instituisau nian.

"Apoiu ida ne'e ita halo hodi fasilita estudante sira hodi bele partisipa eskola online no mos sira nia propinas tanba situasaun estadu emergensia ne'e aktividade hotu paradu inan mak sira la iha osan hodi selu eskola tanba ne'e ita desidi hodi fo apoiu," nia salienta.

Entretantu, Reitor Universidade da Paz (UNPAZ) Adolmando Amaral hateten, dados estudante ne'ebe mak ofrese ona ba MESSK hamutuk nain 14.000 resin hahu semester I to'o Vll.

"Apoiu ne'ebe governu ofrese ne'e mak hanesan pulsa no propinsa semestre estudante nian iha situasaun serka sanitaria ne'e hodi tulun estudante sira," nia hateten.

Nia dehan, agradese tebes ba governu tanba bele responde ona ba problema ne'ebe mak durante ne'e estudante sira hasoru.

“Ita hatene katak inan aman sira dadaun ne’e osan la iha hodi selu oan nia eskola, dala ruma kompleta nesesidade uma laran deit mos araska ona ho apoiu ne’ebe mak governu ofrese ne’e hanesan graça ida tanba ne’e agradese ba Ministeriu Ensinu Superior Siensia no Kultura ba nia politika ne’ebe mak pozitivu tebes,” Reitor UNPAZ Amaral salienta.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04