Domingo, Junho 20, 2021
Total visitors: 566016

Fundu Dezenvolvimento Kapital Humanu (FDCH) asina MoU ho universidade publiku no privadu hodi apoio programa bolsa hakbit ba estudante benefisiariu hamutuk nain 910 hodi asesu ba ensinu superior.

Diretora FDCH, Leila Carceres hateten MoU ne’e hodi apoiu estudante sira ne’ebe identifikadu ona inan aman la iha kbit hodi haruka oan ba kuntinua iha ensinu superior no liu husi programa bolsa hakbit ne’e sira bele asesu ba eskola ho gratuitu no governu mak selu.

Diretora FDCH, Leila Carceres hateten MoU ne’e hodi apoiu estudante sira ne’ebe identifikadu ona inan aman la iha kbit hodi haruka oan ba kuntinua iha ensinu superior no liu husi programa bolsa hakbit ne’e sira bele asesu ba eskola ho gratuitu no governu mak selu.

“MoU ne’e deside beneifisiariu ba programa bolsa hakbit ne’e hamutuk nain 910 no koloka ba universidade publiku no privadu hamutuk 15 ne’ebe mak eziste ona,” Diretora FDCH Carceres hateten.

Nia dehan, husi benefisiariu nain 910 refere universidade publiku hanesan Universidade Nasional Timor-Lorosa’e (UNTL) no Institutu Politekniku Betanu (IPB) hamutuk nain 500, iha UNTL 480 no IPB 20, no ba universidade privadu 13 iha rai laran, koloka benefisiariu hamutuk nain 410.

“Ba Universidade privadu 13 ne’e ami koloka hamutuk 410 hanesan Dili Institute of Technology (DIT) 50, Institute of Business (IOB) 50, Institutu Superior Cristal (ISC) 50, Universidade Dili (UNDIL) 40, Universidade da Paz (UNPAZ) 40, Universidade Oriental Timor Lorosa’e (UNITAL) 35, Institutu Katoliku Formasaun Profesores (ICFP) 30, Institutu Sao Joao Bareto (ISJB) 30, East Timor Coffee Institute (ETCI) 20, Institutu Profesional Canossa (IPDC) 20, Institutu Siensia de Saude (ICS) 20, Joao Saldanha University (JSU) 15, no Institutu Boaventura Timor-Leste (IBTL) benefisiariu hamutuk 5,” nia informa.

Nia dehan, benefisiariu hirak ne’ebe mak koloka ba ensinu superior publiku no privadu 13 ne’e sira iha direitu hodi asesu ba ensinu superior ho gratuita no propinas governu mak seluk.

Entretantu, Reitor Universidade Nasional Timor-Lorosa’e (UNTL), Joao Soares Martins hateten, agradese ba governu tanba implementa ona programa bolsa hakbit hodi fo oportunidade ba kbit la’ek nia oan bele asesu iha nivel universitariu.

“Agradese mos ba governu tanba bele valoriza ona Instituisaun Ensinu Superior Publiku no Privadu no orgulhu ba governu liu-liu Ministeriu Ensinu Superior Siensia Kultura (MESSK) no Fundu Dezenvolvimentu Kapital Humanu (FCDH) hodi trata direitu Timoroan nian hodi asesu ba ensinu superior,” nia hateten.

Tanba ne’e, nia husu ba estudante sira ne’ebe mak sai benefisiariu ba programa bolsa hakbit ne’e tenke aproveita halo didiak nune’e bele susesu iha futuru.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04