Sexta, Março 29, 2024
Total visitors: 766366

Eskola sira iha area fronteira entre Timor-Leste no Indonesia, inklui iha munisipiu Covalima, Bobanaru, no Oe-Cusse, ne’ebe mak oras ne’e dadaun prosesu aprendisagem la’o normal ne’e risku ba transmisaun Covid-19 tanba sira besik liu nasaun vizinhu Indonesia ne’ebe infesaun Covid-19 sei rejistu barak.

Cordenador Rede Edukasaun Timor-Leste Coalition for Education (TLCE), Jose Monteiro, hateten eskola sira ne’ebe besik liu iha area fronteriza risku ba Covid-19.

Cordenador Rede Edukasaun Timor-Leste Coalition for Education (TLCE), Jose Monteiro, hateten eskola sira ne’ebe besik liu iha area fronteriza risku ba Covid-19 maibe governu la foti desizaun hodi hapara provizoriu prosesu aprendisagem iha eskola sira refere.

“Ita husu governu liu-liu Ministeriu Edukasaun Juventude no Desportu (MEJD) tenke garante katak eskola sira tenke livre husi transmisaun Covid-19,” TLCE Monterio.

Tanba ne’e nia dehan, eskola iha area fronteirza iha munsipiu tolu ne’e risku bo’ot liu-liu labarik estudante sira mesak kiik oan deit, no iha eskola sira ne’e be’e moos la atu garante ijiene liman nian.

“Ita husu ba Ministeriu Saude (MS) no Ministeriu Edukasaun Juventude no Desportu (MEJD) tenke kompleta fasilidade prevensaun sira iha eskola, nune’e ita bele garante katak estudante sira livre husi corona virus,” nia salienta.

Tanba ne’e nia dehan, eskola sira iha area fronteira besik 179 kompostu husi munisipiu tolu ne’e, maioria la iha kondisaun hodi mantein distansiamentu social nune’e mos fasilidade seluk ne’ebe nesesidade ba prevensaun seidauk kompletu.

“Total eskola iha Oe-Cusse hamutuk 46, Covalima 63, no Bobanaru 70, hamutuk 179 eskolas,” Monteiro informa.

Entretanto, Diretor Edukasaun Reziaun Admistrativo Espesial Oecusse-Ambeno (RAEOA), Daniel Mauno, hateten iha Oecusse eskola ne’ebe mak besik liu iha linha fronteira hamutuk 15 sira ne’e prosesu aprendisagem la’o normal no agora dadaun ne’e estudante sira prepara hela ba ezame primeiro periodu nian.

“Eskola 15 ne’e fasilidade prevensaun kompletu nune’e mos be’e moos ba estudante no professor sira hodi fase liman iha eskola,” Diretor Edukasaun RAEOA Mauno dehan via telefone.

Tanba ne’e nia dehan, total eskola iha RAEOA hamutuk 46 no eskola ne’ebe besik liu fronteira Indonesia iha 15 eskola maibe ne’e garante katak livre husi transmisaun corona virus.