Segunda, Maio 17, 2021

Ministeriu Edukasaun Juventude no Desportu (MEJD) hapara provisoriu merenda escolar iha munisipiu 8 ne’ebe mak prosesu aprendisagem la’o normal hela tanba preokupa transmisaun covid-19 ba labarik sira iha eskola.

Diretor Nasional Asaun Sosial Eskolar DNASE, MEJD, Joaquin Martins hateten, munisipiu 8 ne’ebe mak hapara programa merenda escolar ne’e mak Aileu, Manatuto, Bobanaro, Ainaru, Covalima, Ermera, Liquica no Reziaun Admistrativu Espesial Oe-Cusse Ambeno (RAEOA).

Diretor Nasional Asaun Sosial Eskolar DNASE, MEJD, Joaquin Martins hateten, munisipiu 8 ne’ebe mak hapara programa merenda escolar ne’e mak Aileu, Manatuto, Bobanaro, Ainaru, Covalima, Ermera, Liquica no Reziaun Admistrativu Espesial Oe-Cusse Ambeno (RAEOA).

“Munisipiu 8 ne’e ita hapara lai merenda escolar maske prosesu aprendisagem la’o normal, maibe kada loron numeru pozitivu Covid-19 komesa aumenta tanba ne’e ita harapa provizoriu lai hodi labele akontese transmisaun ba ita nia oan estudante sira,” nia dehan.

Nia dehan, hahu husi fulan Janeiru 2021 mai to’o ohin loron prosesu aprendisagem iha eskola munisipiu 8 ne’e aula presensial la’o normal maibe numeru povitivu kada loron kuntinua aumenta.

“Tanba ne’e ita hetan orientasaun husi ministru hodi hapara provizoriu lai merenda escolar nune’e bele prevene transmisaun ba estudante sira iha eskola,” Diretor DNASE Martins dehan.

Tanba ne’e dadaun ne’e eskola sira prosesu aprendisagem aula presensial la’o normal maibe merenda escolar hapara provizoriu lai.

“Ita hein to’o numeru pozitivu iha munisipiu 8 ne’e la iha tiha mak Ministeriu Saude sei fo fali orientasaun mai Ministeriu Edukasaun nune’e bele restive fila fali.

Entretantu, Diretor Edukasaun Munsipiu Ermera, Carlos Salsinha, hateten dadaun ne’e merenda escolar iha Ermera ba primeiru periodu nian remata ona no lor-loron estudante sira ba eskola merenda escolar la ofrese ona ba sira.

“Merendar escolar ita sei kuntinua fali iha fulan Maio ba segundu periodu nian tanba osan ne’ebe mak governu oferese ne’e ba merenda escolar kada periodu,” nia dehan.

Enkuantu nia dehan, total escola ne’ebe mak implementa programa merendar eskola iha Ermera hamutuk 27 kompostu husi Pre-Eskolar to’o Ensinu Baziku.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04