Segunda, Maio 17, 2021

Ministeriu Edukasaun Juventude no Desportu (MEJD) identifika ona eskola 8 mak hetan estragus total tanba afeta husi inundasaun ne’ebe akontese iha dia 3-4 fulan Abril foin lalais.

Ministeriu Edukasaun Juventude no Desportu (MEJD) identifika ona eskola 8 mak hetan estragus total tanba afeta husi inundasaun ne’ebe akontese iha dia 3-4 fulan Abril foin lalais.

Diretor Nasional Asaun Sosial Eskolar (DNASE), MEJD, Joaquim Martins hateten, eskola 8 ne’ebe mak hetan estragus total ne’e mak Eskola Ensinu Sekundariu Geral (ESG) 5 de Maio, ESG Sergiu Viera de Melo,ESG 4 de Setembru, Ensinu Baziku Central (EBC) Manleuana, (EBC) Osuhuna, Ensinu Baziku Filial (EBF) Fatuhada, EBF Casnafar, no Emsinu Sekundariu Tekniku Vokasional, iha Hera.

“Tuir dados lolos ne’ebe ita iha eskola ne’ebe hetan estragus hamutuk 28, maibe husi ne’e eskola 8 mak ita identifika estragus total,” Diretor DNASE Martins hateten iha MEJD.

Nia dehan, eskola 8 ne’ebe hetan estragus total ne’e tanba inundasaun halo be’e sobu moru no estraga material eskola nian hotu nune’e tahu iha sala laran no aredores eskola nian nakonu.

“Atu responde ba situasaun hirak ne’e husi parte Ministeriu Edukasaun Juventude no Desportu (MEJD) husu ona apoio husi Bombeiros nian hodi halo intervensaun liu-liu atu rega tahu sira ne’ebe nakonu iha eskola,” nia saliente.

Alende ne’e nia dehan, eskola sira ne’ebe hetan estragus ne’e husi Timor laran tomak, relatoriu aprezenta ona ba ministro MEJD hein deit rezultado atu bele responde.

Entretantu, Cordenador Rede Edukasaun Timor-Leste Coalition for Education (TLCE), Jose Monteiro, hateten kada tinan sempre inundasaun no eskola barak mak hetan estragus maibe governu la iha adekuadu hodi responde nune’e labele akontese nafatin.

“Eskola 8 ne’ebe mak identifikado ona kondisaun grave ne’e kada tinan sempre afeta ba inundasaun, tuir lolos ne’e ita nia governu iha ona hanoin atu bele resolve nune’e labele akontese tan,” TLCE Monterio dehan.

Tanba ne’e nia dehan, eskola sira ne’ebe hetan estragus ne’e governu tenke halo kontrusaun foun no tenke fui sinta ne’e as nune’e bele prevene inundasaun bainhira udan, se kuandu halo badak kada tinan governu tenke rehabilitasaun no gasta osan nafatin maibe rezultado laiha.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04