Sexta, Abril 16, 2021
Total visitors: 558227

Eskola Ensinu Baziku sira iha Munsipiu Viqueque hahu reativa ona programa merenda eskolar iha eskola ne’ebe mak durante ne’e hapara provizoriu tanba Covid-19.

Eskola Ensinu Baziku sira iha Munsipiu Viqueque hahu reativa ona programa merenda eskolar iha eskola ne’ebe mak durante ne’e hapara provizoriu tanba Covid-19.

Diretor Edukasaun Munisipiu Viqueque Emidiu Amaral hateten, programa merenda escolar ne’ebe mak ohin hahu reativa fali nia implementasaun ne’e bazeia ba orsamentu ne’ebe aloka husi Ministeriu Admistrasaun Estatal, mai diresaun finanansas Munisipiu nian, koloka mai eskola hodi reativa merenda eskolar.

“Total orsamentu ne’ebe ita hetan hamutuk $116,000 ital hodi reativa merenda eskola iha eskola ensinu baziku sira iha Munisipiu Viqueque,” Diretor Edukasaun Amaral hateten via telephone.

Nia dehan, komesa ohin programa merenda eskolar hahu la’o normal fali iha eskola sira, tuir lolos ne’e normaliza tiha ona iha fulan fevreiru ne’e maibe tanba buat balun ne’ebe presija hadia no ohin reativa ona.

“Eskola ensinu baziku ne’ebe ita reativa implementasaun programa merenda eskolar hamutuk 18 iha Munisipiu Viqueque laran tomak,” nia informa.

Alende ne’e konba menu oras ne’e dadaun la’o tuir menu ne’ebe mak antes ne’e implementa ona konaba tipu tolu ne’e karbohideatu, nutrisaun no ai-han haburas.

Entretanto, Kordenador Rede Edukasaun Timor-Leste Coalition for Education (TLCE), Jose Monteiro agradese tebes tanba governo bele iha hanoin hodi reativa fali programa merenda eskolar hodi fasilita estudante sira iha eskola.

“Maibe ita hakarak hahan ba merenda eskolar ne’e tenke inklui ai-han sira ne’ebe mak kada munisipio nune’e bele tuir orientasaun husi ministerio saude nian konaba nutrisaun nian,” TLCE Monteiro informa.

Tanba ne’e nia dehan, objetivo husi implementasaun programa merenda eskolar ne’e, atu hasae nutrisaun estudante nian, maibe kuando estudante sira konsumu deit hahan kimia no la iha balansu, nutrisaun ne’e mai husi ne’ebe.

“Ita husu merenda eskolar ne’e tenke utiliza produto lokal sira ne’ebe mak kada numusipio iha no kualidade diak hodi kuntribui ba nutrisaun diak estudante nian,” nia salienta.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04