Sábado, Março 06, 2021
Total visitors: 551764

Ministerio Edukasaun Juventude no Desporto (MEJD) implementa programa Halimar, Aprende no Deskobre Susesu (HANDS) iha ensinu pre-eskola hodi prepara ho dezenvolve labarik sira nia kapasidade bainhira hakat ba nivel edukasaun tuir mai.

Vice Ministro MEJD, Antonio Guterres hateten, programa ne’e tulun tebes labarik sira atu prepara sira nia an bainhira sira ba ensinu baziku primeiro siklu mos sira iha ona abilidade oinsa atu aprende diak liu tan.

Vice Ministro MEJD, Antonio Guterres hateten, programa ne’e tulun tebes labarik sira atu prepara sira nia an bainhira sira ba ensinu baziku primeiro siklu mos sira iha ona abilidade oinsa atu aprende diak liu tan.

“Ita implementa programa ne’e hodi fo apoio ba labarik sira hodi dezenvolve sira nia kapasidade tanba ensinu pre-eskolar ne’e maioria labarik tinan lima mai karik deit,” Vice MEJD Guterres hateten.

Tanba ne’e ministerio hakarak estabelese programa Halimar, Aprende, no Deskobre Susesu tanba iha ensinu pre-eskolar ne’e hanorin labele fokus no hakas estudante sira atu aprende materia maibe presija halimar ho sira.

“Programa ne’e ita estabelese ona iha munsipio sira no agora ne’e komesa la’o ona iha ensinu pre-eskolar,” nia informa.

Alende ne’e nia dehan, programa HANDS ne’e hetan apoio husi governo Nova-Zelandia hodi reforsa no dezenvolve ensinu pre-eskolar iha Timor-Leste.

“Total ensinu pre-eskolar iha Timor laran hamutuk 224 ne’e akreditado ona no dadaun ne’e funsiona hela,” nia salienta.

Entretanto, Diretora Ensinu Pre-Eskolar Munisipal Ermera Apolonia Pereira hateten, ensinu pre-eskolar ne’ebe mak funsional hamutuk 53.

“Pre-Eskolar sira ne’e hanorin mistura husi programa HANDS ne’ebe mak Ministerio Edukasaun Juventude no Desporto (MEJD) ho nia parseiro iha implementa ona,” nia hateten.

Nia dehan, hanorin labarik pre-eskolar diferensa tebes no ensinu baziku sira tanba hanorin iha pre-eskolar, presija pasiensia no tenke halo tuir estudante nia hakarak aprende materia tenke ho maneira halimar nune’e bele dezenvolve sira nia abilidade tuir metodu hirak ne’e.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04