Sábado, Março 06, 2021
Total visitors: 551764

Professor 68% husi ensino baziku seidauk hatene maximu lian portugues hodi transaforma siensia ne’ebe ho kualidade ba estudante sira iha eskola sira iha rai laran.

Kordenador Rede Edukasaun Timor-Leste Coalition for Education (TLCE), Jose Monteiro, hateten tuir peskija ne’ebe mak sira halo konaba utilizasaun lian portugues iha eskola ensinu baziku iha tinan 2019 – 2020 ne’e hatudu kohesimento professor sira nia ba lian portugues ne’e menus tebes.

Kordenador Rede Edukasaun Timor-Leste Coalition for Education (TLCE), Jose Monteiro, hateten tuir peskija ne’ebe mak sira halo konaba utilizasaun lian portugues iha eskola ensinu baziku iha tinan 2019 – 2020 ne’e hatudu kohesimento professor sira nia ba lian portugues ne’e menus tebes.

“Iha peskija ne’e hatudu katak professor iha eskola ensinu baziku iha Timor laran liu-liu iha nivel rezional no distrital kuaze 68% seidauk hatene maximu lian portugues,” nia dehan.

Nia dehan, kuaze professor sira ne’e nia kualidade minimu tebes hodi transforma siensia tanba sira seidauk domina lian portugues.

“Iha peskija ne’e ita hare katak professor sira ne’e la masimu utiliza lian portugues hodi hanorin estudante sira iha eskola,” Kordenador TLCE Monteiro hateten.

Nia dehan, problema sira ne’e akontese tanba formasaun ne’ebe mak durante ne’e halo MEJD la iha avaliasaun hodi hatene klean liu konaba konhesimento professor sira nian ba lian portugues ne’e mak rezultado hatudu katak kuaze professor 68% ne’e maioria husi nivel regional no distrital mak seidauk hatene.

“Tanba ne’e ita husu governo tenke fo formasaun ne’e tenke iha balansu ba professor sira iha nivel rejional no distrital tenke hanesan iha nivel nasional nune’e bele hatene mos lian portugues hanesan iha nasional,” nia informa.

Nia dehan, espera katak iha orsamento 2021 ne’e bele tau mos prioridade ba asunto sira ne’ebe mak TLCE aprezenta ba MEJD liu-liu konaba formasaun lian portugues tenke iha balansu.

Entretanto, Diretora Jeral MEJD, Odelia Das Dores Martins hateten, prezensa NGO nian atu halo auditoria hodi bele hatene tuir prosesu formasaun ne’ebe mak durante ne’e governo halo ne’e tuir duni plano no atinje duni objetivo ka lae hodi fo hanoin mai governo.

“Ita simu no apresia ba relatorio ne’ebe mak TLCE no organizasaun sira seluk ne’ebe mak iha plano diak hodi halo peskija konaba kapasidade utilizasaun lian portugues iha eskola liu husi formasaun ne’ebe professor sira tuir ona,” DJ MEJD Dores hateten.

Tanba ne’e nia dehan, atu halo dezenvolvimento iha area edukasaun la’os governo mak serviso mesak maibe ema hotu nia serviso hodi kompleta malu nune’e bele hadia iha tempo tuir mai.

“Rekomendasaun sira ne’e ami simu no obrigasaun ministerio nian hodi hare no analiza no tau iha konsiderasaun,” nia informa.

Tanba ne’e nia dehan, iha tinan 2020 ne’e formasaun lian portugues la’o maibe la maximu tanba situasaun Covid-19 no dadaun ne’e plano kuntinua formasaun ho kapasitasaun professores sira iha nivel baziku nian.

Enkuantu total professores ne’ebe mak dadaun ne’e hanorin hela iha eskola sira hamutuk 9,000 no nia rekonhese katak professor sira ne’e sei iha difikuldade ba lian protuguesa maibe husi peskija ne’ebe TLCE realiza mak foin hateten lolos.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04