Sábado, Março 06, 2021
Total visitors: 551764

Rede Edukasaun Timor-Leste Coalition for Education (TLCE) husu Ministerio Edukasaun Juventude no Desporto (MEJD), tenke investe iha area infrastrutura no kurikulum tanba tuir peskija ne’ebe sira halo, area rua refere mak sai dezafio ba dezenvolvimento ba kualidade edukasaun iha Timor-Leste.

Kordendor TLCE, Jose Monteiro, hateten koalia konaba kualidade edukasaun presija investe iha indikador hanesan infrastrutura no kurikulum iha eskola seidauk maximo, seidauk lao diak, no problema hirak ne’e mak fo impakto ba dezelvolvimento kualidade edukasaun.

Kordendor TLCE, Jose Monteiro, hateten koalia konaba kualidade edukasaun presija investe iha indikador hanesan infrastrutura no kurikulum iha eskola seidauk maximo, seidauk lao diak, no problema hirak ne’e mak fo impakto ba dezelvolvimento kualidade edukasaun.

“Husi peskija ne’ebe ami halo infrastrutura eskola maioria la diak, balun diak ona maibe la kompleta no fasilidade sira ne'ebe mak nesesidade no kurikulum implementasaun la maximo,” Kordenador TLCE Monteiro dehan.

Nia dehan, atu garante kualidade edukasaun tenke hare ba infrastrutura hanesan biblioteka tenke kompleta ho livro ba professor no estudante, nune’e mos prosesu aprendisagem iha eskola tenke lao tuir kurikulum.

“Ita husu MEJD tenke investe iha aspeto rua ne’e nune’e bele atinge kualidade edukasaun iha Timor-Leste,” nia informa.

Alende ne’e nia dehan, durante ne’e kualidade edukasaun iha Timor-Leste hare liu ba valor ezame estudante nian iha ezame nasional no sira la hare ba aspeto seluk ne’ebe mak sai amiasa ba kualidade edukasaun.

Entretanto, Ministro Edukasaun Juventude no Desporto (MEJD), Armindo Maia, hateten iha programa importante oitavo governo konstituisional primerio mak hadia infrastrutura eskola no kompleta fasilidade sira hodi dezenvolve setor edukasaun.

“Konaba infrastrutura eskola ita komesa halo ona eskola 22 iha Timor laran, no kurikulun dadaun ne’e ita serviso hamutuk hela ho peritos internasional sira oinsa atu halo mudansa hodi hadia kurikulun,” Ministro MEJD Maia informa.

Nia dehan, eskola 22 ne’ebe mak dadaun ne’e konstrui ona ne’e kompleta ho bibloteka finaliza nia konstrusaun mak iha kompleta livro sira ne’ebe mak presija.

“Kurikulun ita serviso hamutuk ho peritos sira oinsa atu halo reforma no saida mak presija aumenta no saida mak presija hamenus no dadaun ne’e tama ona iha faze preparasaun ba reforma kurikulun,” nia salienta.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04