Prioridade ba reitor foun Universidade Nasional Timor-Lorosa’e (UNTL) iha nia mandanto atu reforsa ensino, peskiza, no serviso ba komunidade.

Prioridade ba reitor foun Universidade Nasional Timor-Lorosa’e (UNTL) iha nia mandanto atu reforsa ensino, peskiza, no serviso ba komunidade.

Reitor foun UNTL, Dr Joao Soares Martins, hateten iha ona programa balun ne’ebe mak nia tau iha prioridade hodi realiza iha nia mandato durante tinan 2021-2026 hodi dezenvolve intituisaun publiku.

“Iha hau nia mandato programa lubuk ida maibe tau tau prioridade primeiro liu mak haforsa ensino, peskiza, no serviso ba komunidade. Ida ne’e importante liu hodi bele atijne progresu,” nia hateten.

Nia dehan, UNTL mak la iha jestaun diak mak sei la ofrese kursu no presta serviso ida diak iha instituisaun nia laran no komunidade.

Alende ne’e nia dehan, iha mos programa balun mak hanesan reforsa sentro investigasaun no peskiza iha instituisaun nasional no hadia rekursu finanseiro no infrastrutura.

“Sira ne’e mak sai hanesan programa prioridade ba hau nia mandato, no hau fiar katak ami ekipa sei serviso hamutuk no estrutura fakuldade sira nune’e bele realiza hodi lori UNTL ba atinje nia progresu,” Reitor Foun UNTL Dr Martins salienta.

Entretanto, Kordenador Rede Edukasaun Timor-Leste Coalition for Education TLCE, Jose Monteiro, hateten programa prioridade ne’ebe mak reitor foun refere ne’e, tanba nia hatene saida mak presiza hadia iha UNTL tanba durante ne’e mos nia hala’o serviso iha UNTL.

“Ita fiar katak programa sira ne’e importante duni hodi dezenvolve UNTL no atinje nia objetivo tanba UNTL mak universidade ida ne’ebe mak fasil liu ba povu aileban nian oan bele aprende,” Kordenador TLCE Monteiro hateten.

Nia dehan, Reitor foun la’os foti husi intituisaun seluk maibe UNTL rasik tanba programa prioridade hirak ne’e laiha duvida tanba nia iha konhesimento diak konaba saida mak atu hadia no aumenta iha UNTL durante nia mandanto. TLCE mos sujere tenke finaliza programa hirak ne’ebe refere no labele promete deit.