Terça, Março 02, 2021
Total visitors: 550987

Ministerio Ensino Superior Arte no Kultura (MESAK) la autoriza universidade publiku ka privado atu realiza aktividade graduasaun iha situasaun estado emergensia (EE) hodi labele halibur ema liu nain 10 nune’e bele kuntribui ba prevensaun Covid-19.

Ministro MESAK, Longuinhos dos Santos hateten, ministerio haruka ona karta sirkular ba universidade publiku no privado sira, atu labele realiza serimonia graduasaun ba estudante finalista sira durante periodu EE nian.

Ministro MESAK, Longuinhos dos Santos hateten, ministerio haruka ona karta sirkular ba universidade publiku no privado sira, atu labele realiza serimonia graduasaun ba estudante finalista sira durante periodu EE nian.

“Hau haruka ona karta ba universidade sira hodi fo hatene aktividade ida ne’ebe mak bele halo no ida ne’ebe mak labele halo liu-liu ba yudisium no graduasaun ne’e proibido,” nia hateten.

MESAK la autoriza universidade sira atu realiza aktividade graduasaun, maibe ba prosesu aprendisagem la’o normal.

“Universidade ida ne’ebe mak kontra nia sei hetan sansaun liu-liu Universidade Nasional Timor-Lorosa’e (UNTL) ne’ebe mak realiza ona aktividade yudisium iha loron hirak liu ba,” Ministro Longuinhos informa.

Tanba ne’e husu atu halo tuir nune’e labele mosu desintendimento iha implementasaun dekreto lei estado emergensia nian.

Entretanto, Pro Reitor Asuntos Akademiku UNTL nian, Miguel Maia, hateten dadaun ne’e finalista UNTL hamutuk nain 600 mak preparado ona atu graduasaun.

“Tuir kalendario akademiku nia UNTL sei realiza graduasaun iha dia 12 de Janeiro maibe tanba situasaun Covid-19 no estado dekreta estado emergensia no graduasaun adia fali no sei realiza bainhira estado emergensia remata,” nia hateten.

Maibe nia dehan, konaba aktividade Yudisium UNTL hala’o ona ba fakuldade direito iha dia 12 Janeiru.

“Iha sermonia Yuidisum ne’e ita realiza ho estudante deit no la partisipa husi inan aman no mantein nafatin distansiamento social, nune’e mos hetan kontrolo husi polisia,” Pro-Reitor Maia salienta.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04