Quarta, Janeiro 27, 2021
Total visitors: 544951

Prioridade Ministerio Edukasaun Juventude no Desporto (MEJD) iha 2021 sei rekruta professor kontratado hamutuk nain 975 ba permanente hodi bele koloka iha eskola Pre-Eskolar to’o Ensinu Sekundario Jeral no Tekniku Vokasional sira iha Timor.

Ministro MEJD, Armindo Maia hateten, prosesu rekrutamento ne’e prioridade liu ba professor kazual no kontratado sira ne’ebe mak hanorin durante 2013 mai to’o ohin loron.

Ministro MEJD, Armindo Maia hateten, prosesu rekrutamento ne’e prioridade liu ba professor kazual no kontratado sira ne’ebe mak hanorin durante 2013 mai to’o ohin loron.

“Ita nia prioridade iha 2021 hare liu ba rekrutamento professor kontratado no kazual hamutuk nain 975 ba professor permanente,” Ministro MEJD Maia Informa.

Nia dehan, total professor kontratado hahu husi Eskola Pre-Eskolar to’o Sekundario Jeral no Tekniku Vokasional hahu husi 2013 nian hamutuk nain 5302.

“Ita nia professor hirak ne’e hala’o sira nia profisaun durante tinan 7 ho estatutu kontratado tanba ne’e iha 2021 ne’e ita sei rezolve,” nia hateten.

Tanba ne’e nia dehan, tempo to’o ona atu professor kontratado sira bele hetan sira nia direito tanba sira nia kontribuisaun hodi hanorin estudante sira durante tinan barak hodi rezolve setor edukasaun iha Timor.

“Ita nia professor kontratdo nain 5302 ne’e iha sei rekruta uluk nain 975 ba permanente, depois ita sei halo tan rekrutamento fazeadamente nune’e bele rezolve tiha problema professor kontratado nian,” nia saliente.

Entretanto, Prezidente Komisaun F, Deputado Antonio Verdial hateten, prioridade MEJD nian konaba rekrutamento professor kontratado ba voluntario ne’e husi ejijensia ne’ebe mak parlamento levanta iha debate Orsamento Jeral do Estado 2021 nian.

“Programa prioridade ida ne’e importante tebes nune’e bele rezolve no valoriza direito professor kontratado sira ne’ebe mak kuntribui ba dezenvolvimento edukasaun durante ne’e,” nia informa.

Nia dehan, total professor kontratdo hamutuk nain 5302 husi vizita ne’ebe mak komisaun F halo durante ne’e professor sira ne’e aprezenta katak sira servisu tinan barak ona maibe governo seidauk rekonhese no valoriza sira nia kuntribuisaun.

“Governo atu rekruta professor kontratado nain 975 ba permanente ne’e pasu pozitivo ida hodi miniza professor kontratado no tenke esforsu nafatin hodi bele rekruta hotu professor kontratado sira hotu,” Prezidente Komisaun F Verdial hatete iha Parlamento Nasional.

Tanba ne’e nia dehan, antes ne’e Komisaun F sujere ba governo atu rekruta hotu professor kontratado nain 5302 ba permanete, maibe hare mos ba situasaun orsamento sira labele halo dala ida maibe fazeadamento no espera katak bele rezolve hotu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04