Quarta, Janeiro 27, 2021
Total visitors: 544951

Ajensia ONU World Food Programme (WFP) apoio Ministerio Edukasaun Juventude no Desporto (MEJD) implementa programa to’os eskolar ba eskola lima (5) komposto husi EBC (Ensinu Baziku Central) tolu no EBF (Ensinu Baziku Filial) rua iha Munisipio Dili.

Xefe Programa, Anastacio Suriano hateten eskola lima ne’ebe mak WFP apoio ne’e hanesan programa pilotu nune’e bele sai exemplo hodi implementa fali ba eskola seluk.

Xefe Programa, Anastacio Suriano hateten eskola lima ne’ebe mak WFP apoio ne’e hanesan programa pilotu nune’e bele sai exemplo hodi implementa fali ba eskola seluk.
“Eskola lima ne’ebe mak WFP apoio ne’e hanesan, EBC Metinaro, Darelau, Manleuana, no EBF Lelau no Lebutun,” nia dehan.

Nia dehan, implementasaun to’os eskolar ne’e hodi apoio ba merenda eskolar nune’e mos sai hanesan laboratorio ba estudante sira bele aprende tuir manual ne’ebe mak iha.

“Eskola 5 ne’ebe ita apoio ne’e ho montante orsamento $300,000 ba durasaun projeto tinan ida nian nune’e mos halo dapur foun no kompleta fasilidade merenda eskolar nian ba eskola lima ne’ebe mak selesionado ona,” Xefe Programa WFP Suriano hateten.

Nia dehan, projeto ne’e sei la ba deit eskola lima ne’e, maibe iha futuru planea ona sei implementa tan ba eskola hotu tuir kbit WFP nian.

Iha fatin hanesan, Diretor Nasional Asaun Sosial Eskolar (DNASE), Joaquin Martins hateten, programa implementasaun to’os eskolar ba eskola lima ne’e hanesan piloto deit nune’e mos konstrui dapur no kompleta fasilidade merenda eskolar nian.

Nia dehan, programa to’os eskolar ne’e sei involve mos husi inan aman no autoridade lokal sira hodi tau matan atu nune’e rezultado husi to’os ne’e bele apoio ba merenda eskolar rasik.

“Ita mos husu ba inan aman sira labele husik animal arbiru hodi estraga fali aihoris sira ne’ebe mak estudante sira kuda iha to’os eskolar ne’e,” DNASE Martins dehan.

Nia dehan, benefisio husi to’os eskolar ne’e la’os deit ba merenda eskolar maibe, estudante sira mos bele aprende siensia iha to’os eskolar ne’e tanba konsidera hanesan laboratorio moris.

“To’os eskolar ne’e estudante sira bele kuda modo hodi apoio ba merenda eskolar nune’e mos sai hanesan siensia pratika ida ba alunus sira aprende tanba tama ona iha kurikulu primeiro no segunda klase nian,” nia informa.

Tanba ne’e nia dehan, implementasaun ne’ebe antes ne’e la’o diak tebes no iha eskola balun bele kontribui ona produto 100% husi to’os eskolar ba merenda eskolar.

Iha parte seluk Diretora Eskola Ensinu Baziku Central (EBC) Manleuana, Rosa Alta Marcal da Cruz hateten, orgulho tebes tanba EBC Manleuana bele mos sai benefisiario ba projeto implementasaun to’os eskolar, nune’e estudante sira aprende liu-liu iha area pratika nian.

“Ami nia eskola ne’e agradese tebes tanba sai ona benefisiario dalan rua ba implementasaun projeto to’os eskolar ne’e rasik, husi to’os eskolar ne’e tinan kotuk modo sira ne’ebe mak kuda iha to’os ne’e ofrese ona ba merenda eskolar.

Tanba ne’e espera ho implementasaun ida ne’e bele fo tan rezultado diak nune’e bele kuntribui ba merenda eskolar liu-liu husi produto lokal sira ne’ebe mak estudante sira kuda.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04