Quarta, Janeiro 27, 2021
Total visitors: 544951

Organizasaun Civil Society Education Partnership (CSEP) konsidera Ministerio Edukasaun Juventude no Desporto (MEJD) la iha politika hodi halo monitorizasaun ba fundu konsensaun eskolar, ne’ebe mak durante ne’e aloka kada eskola hodi halo dezenvolvimento iha eskola rasik.

Kordenador Nasional CSEP, Jose de Jesus hateten, fundo konsensaun eskolar ne’ebe mak kada tinan aloka ne’e objetivo hodi dezenvolve eskola sira iha suku no aldeia sira iha rai laran, maibe realidade hatudu katak eskola sira la iha mudansa.

Kordenador Nasional CSEP, Jose de Jesus hateten, fundo konsensaun eskolar ne’ebe mak kada tinan aloka ne’e objetivo hodi dezenvolve eskola sira iha suku no aldeia sira iha rai laran, maibe realidade hatudu katak eskola sira la iha mudansa.

“Orsamento konsensaun eskolar ne’e kada estudante hetan $1 maibe ne’e laos oferese ba estudante sira maibe uza hodi halo mudansa iha eskola rasik,” nia hateten.

Nia dehan fundo konsensaun eskolar refere la halo mudansa ba eskola sira.

“Situasaun hirak ne’e akontese tanba Ministerio Edukasaun Juventude no Desporto (MEJD) la iha politika hodi halo monitorizasaun ba fundo konsensaun eskolar ne’e rasik,” nia informa.

Tanba ne’e husu ba MEJD tenke kria politika iha hodi halo monitorizasaun ba fundo konsensaun eskolar kada eskola nune’e hodi hatene tuir nia gasto ne’e ba iha ne’ebe, no halo mudansa ka dezenvolve iha eskola karik iha area ne’ebe, atu nune’e ema labele uza osan estado nian sai privado.

Entretanto, Diretor Nasional Aksaun Sosial Eskola (DNASE), Joaquin Martins hateten, osan konsensaun eskolar ne’ebe mak governo aloka kada eskola ne’ebe hodi hare ba parte rua, ida merenda eskolar, segundo mak kada eskola utiliza osan refere hodi kompleta ekipamentos ne’ebe mak eskola presiza hodi halo mudansa iha eskola.

“Ita hare foin lalais situasaun COVID-19 ne’e kada eskola utiliza osan konsensaun eskolar ne’e hodi sosa fasilidade prevensaun nian ne’ebe mak eskola presiza no eskola balun mos uza hodi halo mudansa ba aredores eskola nian,” nia hateten.

Tanba ne’e nia dehan, ministerio seidauk simu informasaun katak iha diretor no kordenador eskola balun utiliza osan konsensaun eskolar ba privado, karik iha inspektor eskola sira sei informa ba ministerio.

“Maibe ita nafatin konsidera preokupasaun sira ne’ebe mak sociedade sivil sira hato’o no ministerio sei kria ekipa ida hodi halo monitorizasaun ba fundo konsensaun eskolar,” DNASE hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04