Quarta, Janeiro 27, 2021
Total visitors: 544951

Organizasaun sociedade sivil Civil Society Education Partnership (CSEP) husu governo liu-liu Ministerio Edukasaun Juventude no Desporto (MEJD) atu tau osan hodi kompleta fasilidade iha eskola sira iha area remotas sira.

Kordenador Nasional CSEP, Jose de Jesus hateten durante sira halo monitorizasaun no peskiza ba politika esdukasaun iha Timor-Leste identifika problema menus fasilidade, maioria iha eskola area rurais sira.

Kordenador Nasional CSEP, Jose de Jesus hateten durante sira halo monitorizasaun no peskiza ba politika esdukasaun iha Timor-Leste identifika problema menus fasilidade, maioria iha eskola area rurais sira.

“Husi peskiza ne’ebe ita halo identifika katak maioria eskola kuaze 60 % iha area rurais mak menus fasilidade hanesan menus sala de aula, livro, eskola kondisaun la diak, nune’e mos menus professor sira,” nia informa.

Tanba ne’e, CSEP husu governo tenke tau osan sufisiente hodi rezolve fasilidade iha eskola remotas sira.

“Ita hare, sala de aula ida bele akumula estudante husi 45 to’o 70, ida ne’e impakto bo’ot ba estudante sira nia komprensaun bainhira iha prosesu aprendisagem,” Kordenador CSEP Jesus hateten.

Nia dehan, atu rezolve no kompleta fasilidade eskola sira governo presija tau osan ba area edukasaun nian kuaze 15% to’o 20% OJE kada tinan nian.

“Problema hira ne’e governo tenke rezolve ho seriedade, liu-liu sala de aula ne’e fasilidade ne’ebe mak importante tebes atu kompleta nune’e mos livro iha area rurais,” nia informa.

Entretanto, Ministro MEJD, Armindo Maia hateten, tuir programa prioridade ne’ebe mak VIII governo iha total sala de aula ne’ebe mak atu rehablita no kontrui iha Timor-Leste laran hamutuk 100 resin.

“Husi total 100 resin ne’e ita hahu rehabilita ona sala de aula no kompleta fasilidade eskola 25 no seluk seidauk,” Ministro Maia informa.

Nia dehan, atu finaliza rehabilitasaun sala de aula no kompleta fasilidade hotu governo sei la finaliza dala ida maibe fazeadamente.

“Tinan 2020 mak ita la finaliza, iha sei kuntinua tau osan iha tinan 2021 nune’e bele kuntinua rehabilita fali,” nia dehan.

Nia dehan, atu dezenvolve setor edukasaun iha Timor-Leste kada tinan governo sempre aloka orsamento maibe nafatin la sufisiente tanba setor edukasaun ne’e area ne’ebe mak bo’ot, maibe VIII governo nafatin esforsu no buka meios oi-oin ho parseiro sira oinsa bele rezolve problema social ne’ebe mak iha setor edukasaun.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04