Quinta, Março 28, 2024
Total visitors: 766366

Eskola Sekundario Tekniku Vokasional Industria no Teknologia (ES-TVIT) 28 Novembro Bekora durante ne’e la iha be’e moos ho sintina hodi fasilita estudante sira iha oras eskola nian.

Diretor ES-TVIG 28 Novembro, Pedro da Silva Ximenes hateten, problema ne’ebe mak eskola infrenta ne’e komesa kedan eskola refere nia estatutu sei sekundario jeral no tranfere tiha ba tekniku vokasional mos kuntinua infrenta difikuldade sira refere.

Diretor ES-TVIG 28 Novembro, Pedro da Silva Ximenes hateten, problema ne’ebe mak eskola infrenta ne’e komesa kedan eskola refere nia estatutu sei sekundario jeral no tranfere tiha ba tekniku vokasional mos kuntinua infrenta difikuldade sira refere.

“Problema ne’ebe ita infrenta durante tinan barak nia laran mak la iha be’e moos no sintina hodi fasilita estudante sira iha oras eskola nian,” Diretor ES-TVIG Silva informa.

Nia dehan, iha eskola refere iha sintina ida deit ba professor sira no be’e ne’ebe mak utiliza iha sintina ne’e se mak tama tenke aranja rasik be’e.

“Be’e moos no sintina la iha ne’e impakto tebes ba estudante sira tanba, bainhira iha prosesu aprendisagem sira sente atu soe be’e sira tenke lakon sira nia prezensa hodi ba buka sintina iha komunidade sira ne’ebe mak hela besik,” nia dehan.

Enkaundo nia dehan, bainhira komunidade sira kuando la fo sintina obrigatorio sira tenke soe be’e iha liur deit no ba estudante feto tenke fila ba uma.

“Maibe ita hare ho situasaun sira ne’e ita nia estudante sira lalakon vontade hodi aprende, tanba sira iha vontade ne’ebe mak diak no hatudo katak sira mos bele halo teknologia inovasaun hanesan ES-TVIG sira seluk,” nia dehan.

Alende infrenta probelam be’e moos iha mos problema seluk hanesan, laboratotio, no ekipamentos pratika no total estudante iha eskola refere hamutuk nain 456 komposto husi feto nain 110 no mane nain 346 ho ninia professor hamutuk nain 45, kontratado nain 16 no permanente nain 20.

Entretanto Ministro Ministerio Edukasaun Juventude no Desporto (MEJD), Armindo Maia hateten, plano orsamento 2021 nian MEJD sei investe ho dezenvolve eskola tekniku vokasional hamutuk 58 iha Timor-Laran.

“Ita planea ona atu kria kondisaun diak no investe masimo ba eskola tekniku vokasional sira iha territorio tomak iha 2021,” Ministro MEJD informa.

Nia dehan, dadaun ne’e Ministerio prepara hela perito balun hodi halo estudo viabilidade ba eskola ensinu sekundario tekniku vokasional hodi bele hatene lolos kondisaun ne’ebe akontese durante ne’e.

“Ami kontakto ona ho parseiro dezenvolvimento balun hodi oferese tan apoio ruma hodi halo estudo viabilidade nune’e ita bele hahu reforsa eskola tekniku vokasional sira tuir politika ne’ebe mak iha,” nia dehan.

Tanba ne’e nia dehan, hakarak ka lakoi eskola tekniku vokasional ne’e tenke investe hodi bele hadia kondisaun tanba eskola refere mak bele kria kampo de trabalho ba estudante sira iha futuru.