Quarta, Outubro 28, 2020
Total visitors: 530672

Ministerio Edukasaun Juventude no Desporto (MEJD), informa katak finaliza ona prosesu re-ativa eskola sira iha rai laran, hahu husi pre-eskolar to’o sekundario jeral, no tekniko vokasional, iha Timor-Leste hodi bele funsiona fali prosesu aprendisagem hanesan bai-bain.

Ministerio Edukasaun Juventude no Desporto (MEJD), informa katak finaliza ona prosesu re-ativa eskola sira iha rai laran.

Visa-Ministro MEJD, Antonio Guterres hateten antes ne’e ministerio re-ativa ona eskola hamutuk 80% no falta 20% maibe agora kompletu 100% ona.

“Maibe dadaun ne’e ho apoio maximo husi ita nia parseiro nasional no internasional nune’e mos husi ministerio saude ita bele finaliza ho re-ativa eskola 100% iha Timor laran no hahu funsiona ho normal,” nia hateten.

Tanba ne’e nia dehan, dadaun ne’e estudante finalista treceiro ano sira, mos prepara ona materia ba prosesu ezame nasional nian.

“Agradese tebes, ba ita nia entidade sira hotu ne’ebe mak esforso maka’as hodi aslera prosesu re-ativa eskola iha teritorrio laran, ne’ebe mak taka provizorio tanba surtu corona virus ne’ebe mak amiasa tebes ba ema nian vida,” Vise MEJD Guterres dehan.

Nia dehan, eskola sira hotu prense ona kriteria 7 ne’ebe mak fo husi Ministerio Saude no Organizasaun Mundial Saude katak tenki garente higene pesoal, distansiamento social, no seluk tan.

“Ita fiar katak husi prosesu re-ativa eskola hodi normaliza, prosesu aprendisagem ne’e sei la hamosu risku ba saude estudante nian,” nia dehan.

Iha parte seluk, Kordenador Rede Edukasaun Timor-Leste Coalition for Education (TLCE), Jose Monteiro hateten, eskola hotu iha Timor-Leste laran re-ativa hotu ona maibe, konaba regras sira ne’ebe fo husi OMS seidauk prense tuir padraun maximo.

“Tanba ita seidauk hare relatorio ruma husi ministerio edukasaun, konaba prosesu re-ativa ne’e, tanba sa mak re-ativa seraque ita livre total ona husi covid-19,” Kordenador TLCE Monteiro hateten.

Nia dehan, kondisaun fisika eskola sira hotu ne’ebe mak re-ativa ne’e, maioria la iha kondisaun, maibe ministerio hare mos Timor-Leste livre ona husi COVID-19 mak autoriza eskola hotu re-ativa ona prosesu aprendisagem.

“Maibe ita husu ministeiro edukasaun ho linha ministerial sira nafatin kontrola higene pesoal kada eskola nune’e bele garante katak estudante sira livre husi moras,” TLCE Monteiro husu.

Alende ne’e nia mos husu atu governo tau atensaun maximo ba eskola sira ne’ebe mak besik liu area fronteriza nian tanba nasaun vizino Indonesia moras COVID-19 ne’e seidauk livre.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04