Quarta, Outubro 28, 2020
Total visitors: 530672

Diretora Ezekutiva Fundo Dezenvolvimento Capital Humano (FDCH), Leila Carceres do Santos hateten, estajio profesional ba bolseiro sira hanesan mekanismo ida atu bele ajuda sira iha esperiensia pratika nian, laos atu fo serviso ba sira.

Diretora Ezekutiva Fundo Dezenvolvimento Capital Humano (FDCH), Leila Carceres do Santos hateten, estajio profesional ba bolseiro sira hanesan mekanismo ida atu bele ajuda sira iha esperiensia pratika nian, laos atu fo serviso ba sira.

"Ita tau sira iha instituisaun publiku no privado tuir sira ida-ida nian area atu sira bele aprende rasik iha pratika nian, depois sira kria rasik serviso ba sira, laos governo mak oferese tan serviso," Diretora FDCH Carceres hateten.

Nia dehan, bolseiro ne'ebe mak durante ne'e sira rejisto hodi tuir estajio profesional hamutuk 120 dadaun ne'e sira nafatin aprende iha pratika nian tanba teoria sira aprende ona.

"Estajio profesional ne'e ami kontrola sira ho mekanismo atu sira bele serio, ami mos fo fundo oituan ba sira kada fulan hetan $100 ba osan bemo nian durante fulan nen (6)," nia hateten.

Tanba ne'e nafatin, nia husu ba sira atu aprende ho diak nune'e estajio profesional remata sira bele buka rasik serviso ka kria kari serviso ba sira nia an labele hein tan governo atu fasilita.

Entretanto, Ministro Ministerio Edukasaun Superior Siensia no Kultura (MESSK), Longuinhos dos Santos hateten ministerio nia kontrolo ba bolseiro sira ne'ebe remata ona, maibe dezemprego governo mak kontrola. Ministro haktuir katak estajio profesional ba bolseiru sira nunee sira bele iha esperiensia naton atu bele hetan serviso.

"Husi estajio ne'e la signifika ita oferese serviso ona ba sira maibe atu ganha sira nian konhesimento atu bele kria karik kampo de trabalho," Ministro MESSK Santos informa.

Maibe nian dehan, karik iha estajio profesional ne'e mak ema hare sira nia prestasaun serviso diak instituisaun ne'ebe mak sira hala'o estajio profesional ba bele kaer metin no serviso ona iha ne'eba.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04