- Publika iha: 27 Agosto 2011
Fundasaun Lia los ameasa lori Ministru Edukasaun (ME) Joao Cancio Freitas ba Tribunal tanba utiliza orsamentu estadu nian ba asuntu particular enkuantu Ministru rasik pronto atu ba hatan iha tribunal.
“ Ami kestiona kona ba orsamentu ne’ebe aloka ba Ministeriu Edukasaun hodi sosa ekipamentus ba seksaun media edukasaun nian, agira sasan sira ne’e iha ne’ebe tanba ami nota kwitansi komletu ho data,loron,fulan,tinan,” preokupa Ana Maria Quintao Xavier, semana kotuk iha Restaurante Meti-Aut, Dili.
Tuir nia, total orsamentu ne’ebe aloka ba iha ME hodi sosa ekipamentus ba seksaun media educasaun ho montantes $1.4 milioes ne’e agora rezultadu laiha.
Hatan ba kestaun ne’e, Ministru Joao Cancio Freitas, pronto atu ba hatan iha tribunal ba alegasaun pratika mal administrasaun ne’ebe fundasaun Lia los alega ba nia.
“ Hau prontu atu ba hatan kona ba kazu mal administrasaun sira ne’ebe fo sai bainhira Tribunal bolu, “ nia dehan.
Tuir Ministru,kona-ba ekipamentus ne’ebe sosa ba media edukasaun nian ne’ebe toma konta husi Kompania Australia Key Investment, identifika balun la original no seidauk kompleta.