Karitas Australia Oe-cusse haruka ema 35 halo estudu komparativo iha Timor Osidental

Publika iha: 16 Março 2012

Kordenador programa Caritas Australia Oé-Cusse Cornelio Ase, semana kotuk (05/03), hateten aktividade estudu  komparativo atu haruka ema Timoroan nain 35 atu partisipa iha treinamentu konaba tekniko oinsa responde ba mudansa klimatika, inklui halo visita ba sucus ne’ebé maka halao ona adaptasaun ba mundansa klimatika iha sei halao durante xemana ida iha Kefa, Timor Osidental.

“Durante eventu komparativo iha Kefa ne’e, partsipantes sira sei aprende oinsa maka hatene konaba mudansa klimatika inklui halo vista  ba sucu rua iha ne’ebe maka yayasan tani mandiri identifika kata sira konsege responde ona mudansa klimatika,” Kordenador Ase esplika.

Kordenador Ase hatutan tan katak activdade estudu komparativo ne’e fasilita hosi  yayasan mitra Tani mandiri oha Kefa, Timor Osidental, Indonesia.
“Program ne’e realiza tamba hetan kopersaun hosi ONG Yayasan Mitra Tani Kefa, no partsipante  hamutuk tolu nulu resin lima kompostu hosi Agrikoltores tolu, Chefe do Sucu hat, parseiro lokal hat no staf Karitas Australia Oe-Cuse nain hat,” nia haktuir tan.

Kordenador Ase espera katak esperensia ne’ebé hetan durante tempo estudu komparativo sei bele apoiu programa agrikultura sustentavel iha  Distrito Oé-Cusse.
Entertantu partisipante iha eventu ne’e Simao de Carvalho, Xefi Sucu Bene Ufe,   konsidera aktividade ne’e positivu ba tos-nain sira hodi buka solusaun ba  probema n’ebé kausa hosi mudansa klimatika.

“Ita hatene oras ne’e dadaun mudansa klimatika sai ameasa bo’ot ba mundu, no realidade agora udan tinan kotuk barak liu no tinan ne’e ladun iha entaun ho programa sira ne’e parte pozitivo ida para oinsa ita hatan ba mundansa klimatika maka ita infrenta ne’e,” Xefe de Carvalho hateten.