Quarta, Janeiro 19, 2022
Total visitors: 600398

Diretora Executiva Organizasaun Community Based Rehabilitation Network Timor-Leste (CBRN-TL), Norberta Soares hateten sira sente ofendidu tebes ho lia fuan invalidos ne’ebe hakerek iha dekretu lei nu 19/2008 konaba kriasaun subsidiu ba idosus no invalidos tanba ema ho defisensia barak mak iha kapasidade no abilidade servisu hanesan sidadaun seluk ne’ebe ho kondisaun normal.

Diretora Executiva Organizasaun Community Based Rehabilitation Network Timor-Leste (CBRN-TL), Norberta Soares hateten sira sente ofendidu tebes ho lia fuan invalidos ne’ebe hakerek iha dekretu lei nu 19/2008 konaba kriasaun subsidiu ba idosus no invalidos.

“Rekomendasaun premeru mak dekretu lei nu 19/2008 konaba apoia subsidiu ba ema ho defisensia sei uza hela termu ida invalidos, ida ne’e ami rekomenda ba governu liu husi ministeriu solidaridade sosial no inkluzaun atu atensaun pelumenus uza termu ne’ebe diak no valoriza ema ho defisiensia hanesan mos ema umanu ida iha ita nia rai,” nia hateten iha salaun Tower Fatuhada, Dili.

“Laos tanba deit osan $30 dolar ita dehan ema ho defisensia hanesan invalidu katak buat ne’ebe lavale ona tanba realidade ema ho defisiensia barak mak sei bele halo servisu hanesan mos ema sira seluk.”

Nia espera governu bele konsidera sira nia hanoin no involve ema ho defisiensia iha elaborasaun planu sira no implementasaun atividade sira atu bele responde mos ba situasaun ema ho defisiensia nian.

Iha parte seluk, Xefe Departamentu Apoia Ema ho Defisensia, iha Ministeriu Solidaridade Sosial no Inkluzaun (MSSI), Januariu F. Ximenes hateten sira halo ona kordenasaun ho Institutu Seguransa Sosial liga ho asuntu subsidiu apoia ba idosus no invalidos atu troka liafuan invalidos ho liafuan seluk, maibe seidauk realiza.

“Lia fuan invalidos foin dadaun sira iha hanoin atu troka ba liafuan seluk, maibe tanba sira fo informasaun katak orsamentu ba programa ida ne’e la pasa entau sei mantein ho lia fuan invalidos, maibe iha ona planu atu muda liafuan ne’e,” nia hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04