Domingo, Junho 20, 2021
Total visitors: 566016

Komandu Jeral Polisia Nasional Timor-Leste (PNTL) demite ona membru balun ne'ebe mak durante ne'e baku komunidade iha Dili nune'e mos iha munisipiu seluk.

Komandante Operasaun PNTL, Pedro Belo, hateten membru polisia sira ne’ebe mak halo krimi hasoru komunidade, komandu jeral sempre loke prosesu ba sira no aplika sansaun disiplinar, nune’e sira bele responsabilidade ba aktu krimi ne’ebe mak sira halo ona.

Komandante Operasaun PNTL, Pedro Belo, hateten membru polisia sira ne’ebe mak halo krimi hasoru komunidade, komandu jeral sempre loke prosesu ba sira no aplika sansaun disiplinar, nune’e sira bele responsabilidade ba aktu krimi ne’ebe mak sira halo ona.

“Membru sira ne’ebe halo asaun krimi hasoru komunidade ne’e liu husi prosesu no ita dimite ona balun husi instituisaun PNTL,” Komandate Belo hateten.

Nia dehan, agresaun fisiku saida deit mak membru polisia halo hasoru sidadaun ida ne’e krimi no tenke prosesu tuir dalan legal no rezultadu balun konsegue dimite no balun aplika sansaun disiplinar.

“Balun ne’e mak ita demiti ona ne’e oras ne’e dadaun fila ba vida sivil," nia hateten.

Tanba ne’e nia dehan, komandu jeral nunka husik livre membru ne’ebe mak halo krimi hasoru komunidade, tanba sidadaun hotu lei mak regula ka moris tuir lei.

Entretantu, Prezidente Komisaun B iha Parlamentu Nasional Trata Asuntu Defesa no Seguransa, Deputado Jose Agustinho Sequera Somotxo hateten, asaun fisiku saida deit mak membru polisia ida utiliza iha iha terenu hodi halo komunidade kanek no rezulta ran ne’e krimi.

“Membru polisia ida la autoriza halo atuasaun ho asaun brutalismu ba komunidade bainhra, sira baku komunidade ne’e krimi no viola direitos humanus sidadaun nian,” Prezidente Komisaun B Somotxo hateten iha parlamentu nasional.

Tanba ne’e karik membru sira ne’ebe komete iha aktu kriminal tenke prosesu ba tribunal no komandu iha kompetensia tuir lei organiku PNTL hodi aplika sasaun disiplinar.

“Tanba ne’e ita hare ita tinan kotuk ne’e komandu konsege hasai ona membru nain lima (5) tanba komete iha aktu krimi,” nia salienta.

Alende ne’e nia dehan, membru sira ne’ebe mak komete iha aktu krimi ne’e tanba menus formasaun, tanba ne’e husu ba komandu jeral tenke fo formasaun ne’ebe efetivo ba membru no superior sira liu-liu konaba mentalidade atuasaun nian.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04