Sexta, Abril 16, 2021
Total visitors: 558227

Membru Parlamentu (MP), Deputada Elvina Sousa lamenta sidadaun sira kontinua hulan mate isin husi fasilidade saúde lao ain ba uma, tanba sidadaun ida-ida iha direitu atu hetan protesaun no asistensia husi governu.

Membru Parlamentu (MP), Deputada Elvina Sousa lamenta sidadaun sira kontinua hulan mate isin husi fasilidade saúde lao ain ba uma, tanba sidadaun ida-ida iha direitu atu hetan protesaun no asistensia husi governu.

Nia salienta iha tinan 2020, akontese sidadaun ida mate iha munisipio Aileu, familia tula mate isin iha kareta Anguna hodi transporta ba munisipio Bobonaro. No iha fulan Outoburo 2020, pesoal tekniku eletrisidade ida mate bainhira halao servisu tula deit iha motor, no semana kotuk bebe feto ida ho idade fulan sia mate iha sentru saúde Gleno munisipio Ermera familia kous deit mate isin lao ain ba Hatulia B.

“Ita koalia kona ba responsabilidade governu nian, nia sidadaun mate depois inan aman kous mate isin lao ain, familia atu triste oan mate ou triste tanba governu la hare sira.

Sidadaun iha direitu atu hetan protesaun no asistensia ba kareta funerario ou saida deit tanba kada sidadaun iha direitu atu hetan atensaun husi governu,” nia hateten iha plenaria foin lalais ne’e.

Nia dehan akontesementu iha munisipio Ermera sai xamada ida ba governu atu hare hadia servisu asistesia sira ba komunidade tanba kazu ne’e akontese beibeik ona familia tula mate isin iha motor, kareta anguna no hulan deit ba to’o hela fatin.

Nia hateten akontesementu ne’ebe la merese atu akontese tanba orsamentu ba manutensaun kareta no kustu operasional sira alokadu hotu ona iha orsamentu jeral do estado kada tinan atu fo asistensia ba sidadaun sira ho dignu.

Iha parte seluk, Diretor Nasional Asistensia Social, Iha Ministerio Solidaridade Sosial no Inkluzaun (MSSI), Lucas Tois hateten hahu tinan 2016, servisu asistensia transporte funerario no kaixaun sosial delega ona ba munisipio sira atu jere rasik.

Nia dehan tuir dekretu lei numeru 3/2016 hakerek klaru iha programa tolu mak delega ona ba munisipio sira hanesan metigasaun no prevensaun area risku dezastre, asistensia kargu funerario no asistensia kaixaun sosial ba familia kibi’it laek.

“Servisu ida ne’e kompletamente delega ona ba iha munisipio, tanba ne’e sira tenke observa ona osan sosa kareta foun se kareta ne’ebe ami destaka ba a’as ona, no kustu manutensaun, kombostivel inklui deslokasaun motorista hatama iha planu orsamentu munisipio nian,” nia hateten.

Nia dehan sira nia responsabilidade atu fo asistensia tantu transporte no kaixaun ba familia sira ne’ebe nia membru familia mai mate iha Hospital Nasional Guido Valdares (HNGV) atu lori ba munisipio, maibe mate iha munisipio ne’e transporte no kaixaun konfirma ho presidente munisipio atu bele hetan asesu ba asistensia sira.

Nia informa total kargu funerario iha nasional hamutuk 10, no iha kada munisipio kargu funerario rua, maibe barak mak kondisaun ladiak ona tanba kareta sira ne’e sosa iha tinan 2014.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04