Quarta, Setembro 22, 2021

Comisaun Nasional da Elisoens (CNE) duvida bele hala’o eleisaun ba sidadaun Timor oan ne’ebe hela iha estranjeiru tanba sistema eleisaun rasik seidauk klaru.

“Ita tenke hatene sidadaun sira ne’e hela iha nasaun ne’ebe lai no oinsa ho sistema ne’ebe sei uza iha estranjeiru ne’e, tanba to’o agora ita seidauk define sistema ne’ebe klaru,” duvida Prezidente CNE, Faustino Cardoso, semana kotuk hafoin partisipa iha Asembleia Jeral FONGTIL, iha Sentru konvensaun Merkadu Munisipal Dili.

Leia mais...

Ekipamentus pezadus ne’ebé Governu sosa iha tinan kotuk oras ne’e abandona iha Institutu Jestaun Ekipamentus  no seidauk halo distribuisaun tanba sei hei espesaun.

Ekipamentus hirak ne’e mak hanesan trator, escavador, silindru no kareta lubuk ida mak paradu iha fatin ne’eba.

Tuir sekuriti Guardamor ne’ebé halo kontrola ba fatin ne’e, katak ekipamentus hirak ne’e seidauk bele fahe ba distritu sira tanba seidauk halo espesaun.

“Trator sira ne’e seidauk dsitribui tanba sei hein halo espesaun no makina atu tein alkatraun seidauk mai hotu, maibé iha fulan ne’e nia laran bele ona distribui,”hateten Sekuriti Marcos da Costa, semana kotuk iha Colmera,Dili.

Leia mais...

Sekretariu Estadu Formasaun Profesional e Empregu (SEFOPE), Bendito Freitas hateten alende Governu, setor privadu mós iha papel importante no determinasaun atu fo formasaun ba joventude sira ne’ebé seidauk hetan servisu.

“Ita hatene katak la’os setor publiku mesak de’it mak iha responsabilidade ba formasaun profesional maibé mós setor privadu hanesan parte relijioza nian papel determinante desde uluk to’o agora,” hateten SE. Bendito Freitas semana kotuk hafoin asina akordu ho parseiru Sentru Formasaun Tekniku Don Bosco Comoro, iha Comoro,Dili.

Leia mais...

Relasiona ho bis husi parte leste nian ne’ebe durante ne’e hala’o operasaun hodi tula pasajeiru iha Lesidere, Staf Senior Trafic Light Diresaun Nasional Transporte e Terestres (DNTT) Joao Eugenio C.da Silva hateten terminal lolos iha Becora.

“Terminal bis iha Becora, komu iha 2006 mosu krize lorosa’e no loro monu, dalan Becora nian taka, entaun bis sira ne’e para no buka pasajeiru iha Lesidere maibe ne’e la’os terminal,”hateten Staf Senior Trafic Light, Joao Eugneio da Silva,semana kotuk iha Balide,Dili.

Tuir nia, fatin ne’ebe sira uza ba buka no tula pasajeiru husi distritu parte leste nian, ne’e fatin atu fa’an ikan  nian.

Leia mais...

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04