Quinta, Junho 13, 2024
Total visitors: 766366

Ministra Ministério Edukasaun, Dulce de Jesus Soares, dehan eskola rua iha munisípiu Bobonaro ne’ebé tama iha projetu komunitáriu iha tinan 2020 to'o ohin loron seidauk finaliza konstrusaun tanba situasaun estrada ka dala asesu ba la iha.

Ministra Ministério Edukasaun, Dulce de Jesus Soares, dehan eskola rua iha munisípiu Bobonaro ne’ebé tama iha projetu komunitáriu iha tinan 2020 to'o ohin loron seidauk finaliza konstrusaun tanba situasaun estrada ka dala asesu ba la iha.

Nia dehan, eskola rua refere mak eskola ensinu báziku filiál Odelgomo no eskola ensinu báziku filial Majob Bobonaro ne’ebe to'o ohin loron seidauk finaliza.

"Maibé ita to'o iha eskola refere hodi haree direta nia prosesu konstrusaun nune'e mós ita orienta ona husi parte eskola atu bele esforsu ba oinsa tama iha anu-letivu foun estudante sira bele utiliza ona ba prosesu aprendisajen," ME Dulce dehan.

Nia dehan, eskola ne'e sala konstrui ho saladeaula hamutuk 7 no dadaun ne'e foin atinje 75%.

"Dadaun ne'e ita-nia estudante sira utiliza de’it saladeaula tuan ne’ebé antes ne'e iha no haree ba kondisaun ladi’ak no la seguru ona, bainhira iha tempu udan no anin," nia dehan.

Tanba ne'e fó ona orientasaun ba diretór eskola sira atu bele orienta traballadór sira bele aselera lalais prosesu konstrusaun.

Entretantu, Koordenadór Rede Education Timor-Leste Coalition for Education (TLCE), Jose Monteiro, dehan tuir los eskola hotu ne’ebé tama ba projetu komunitáriu ne'e finaliza hotu ona hodi estudante sira bele utiliza ona ba prosesu aprendisajen.

"Tuir loloos projetu komunitáriu ne'e labele han tempu naruk, tanba tuir kontratu ne’ebé iha katak fim de 2022 ne'e konstrusaun hotu tenke preparadu no hein entrega xave de’it ona ba eskola," nia dehan.