Quinta, Junho 13, 2024
Total visitors: 766366

Governu liuhusi Sekretariu Estadu Protesaun Sivíl (SEPS) la halo rekoperasaun hela fatin hamutuk 3000 ne’ebé mak hetan estragus husi dezastre naturais iha loron 4 abril 2020 liubá.

Prezidente Autoridade Protesaun Sivíl, iha SEPS, Ismaiel Babo dehan hela fatin 3000 ne'e la halo rekoperasaun tanba identifikadu ona vitima sira okupa ho estatutu rai estadu nune'e mos rai protejidu.

Prezidente Autoridade Protesaun Sivíl, iha SEPS, Ismaiel Babo dehan hela fatin 3000 ne'e la halo rekoperasaun tanba identifikadu ona vitima sira okupa ho estatutu rai estadu nune'e mos rai protejidu.

"Estatutu rai estadu ne'e mak hela fatin vitima dezastre naturais iha dia 4 de abril 2020 ne'e hamutuk 3000 ita la halo rekoperasaun," nia informa iha City8, Díli.

Nia dehan, tuir kriteria ba vitima sira ne’ebé iha direitu atu hetan rekoperasaun husi estadu bainhira hetan estragus dezastre naturais tenke iha rai rasik no la autoriza fó apoiu ba estatutu rai estadu.

"Rai privadu mós sira tenke aprezenta dokumentu komprovativu hanesan, serfitikadu rai nune'e deklarasaun ruma husi Terras Propriadade mai ita hodi halo rekuperasaun," Prezidente A-SEPS Babo dehan.

Enkuantu nia dehan, hela fatin ne’ebé mak hetan estragus iha dia 4 de abril tinan 2020 ne'e hamutuk 5000 husi ne'e rekupera ona hela fatin 2000 falta 3000 tanba okupa rai estadu no okupa rai ilegal nune'e mos iha área risku.

Nia dehan, iha tinan 2023 SEPS rejistu hela fatin hamutuk 800 halo ona apoiu emerénsia no apoiu rekuperasaun seidauk, maibé iha tempu besik mak sei apoiu rekuperasaun ba vítima sira.

Entretantu, Xefe Suku Comoro Eurico de Jesus, dehan vítima totál uma ne’ebé mak hetan estragus total hamutuk rihun ida husi ne'e, iha 673 mak halo ona rekuperasaun balun seidauk.

"Sira ne’ebé halo ona rekuperasaun ne'e tanba rasik no balun deside fila ona sira-nia munisípiu orijen," nia dehan.

Nia dehan, ba sira ne’ebé la hetan apoiu rekuperasaun ne'e tanba hela iha rai estadu, hela iha foho lolon, besik mota, no iha área protejidu. Bainhira sira deside fila ba munisipiu orijen mak governu bele fó apoiu rekuperasaun ba sira-nia hela fatin.