Sekretáriu Tekniku Admistrasaun Eleitorál (STAE) seidauk iha kabina espefiku ba ema difisiente matan hodi ezerse sira-nia direitu hodi vota liuhusi letra braile.

Diretor Ezekutivu STAE, Acilino Manuel Branco dehan, iha eleisaun lejislatura parlamentár ne’e ba ema ho difisiente matan STAE autoriza akompaña husi familia hodi hato’o sira-nia direitu votu.

Diretor Ezekutivu STAE, Acilino Manuel Branco dehan, iha eleisaun lejislatura parlamentár ne’e ba ema ho difisiente matan STAE autoriza akompaña husi familia hodi hato’o sira-nia direitu votu.

“Iha eleisaun parlamentár ne’e ba difisiente matan ita autoriza akompaña husi família ida, tanba ita laiha kabina votu espesífiku ba maluk difisiente matan sira,” nia hateten.

Nia dehan, antes ne’e STAE prepara ona referensia template ka modelu boletin votu ezerse votu ho boletin úniku ba ema ho difisiente matan, hodi bele ezerse votu iha eleisaun 2023 maibé lakonsege.

Enkuantu nia dehan, ba difisiente fízika sira la autoriza akompaña husi família tanba, STAE prepara ona kadera roda nune’e mós kabina ne’ebé mak bele fasilita sira.

Entretantu Asesór Prinsipál Inkluzaun Sosial iha Palásiu Prezidente Gaspar Afonso hatete, ema difisiente matan ne’ebé mak atu ezerse sira-nia votu iha eleisaun Parlamentár ne’e hamutuk ema na’in 200.

“Ami husu ba Ministériu relevante sira no STAE tenke kria kondisaun nune’e mós prepara ekipamentu liu-liu mákina braile hodi fasilita ami difisiente matan hodi ezerse ami-nia direitu iha eleisaun,” nia hatete.

Nia dehan, STAE autoriza ema difisiente matan akompaña husi ema ruma ka família ida ne’e mós dalaruma haruka hili figura ida sira hili fali figura seluk.

“Ami hakarak ezerse ami-nia direitu tuir ema ne’ebé mak ami deside la’ós husi ami deside ida ema ida akompaña ami ba ne’e hili fali ema seluk ida-ne’e la justu,” Asesór Prinsipál Inkluzaun Sosial iha Palásiu Prezidente Afonso saliente.

Enkuantu nia dehan, tuir dadus 2015 Asosiasaun Difisiensia Timor-Leste iha totál ema difisiente totál na’in 38.118 husi ne’e na’in 14 mental no matan na’in 14.828, seluk surdu no difisiente motora laiha.