Quinta, Dezembro 08, 2022
Total visitors: 692025

Prezidente Autoridade Munisípiu Bobonaro, Ernesto de Oliveira Barreto hateten atu rezolve tranzasaun ilegál iha fronteira entre Timor-Leste no Indonézia, tenke loke merkadu tradisionál iha fronteira atu fasilita sidadaun sira halo negósiu.

Prezidente Autoridade Munisípiu Bobonaro, Ernesto de Oliveira Barreto hateten atu rezolve tranzasaun ilegál iha fronteira entre Timor-Leste no Indonézia, tenke loke merkadu tradisionál iha fronteira atu fasilita sidadaun sira halo negósiu.

Nia salienta esforsu hotu halo ona, maibe labele kombate tranzasaun illegál iha fronteira tanba fronteira luan.

“Atu rezolve tranzassaun illegál tenke loke merkadu trandisionál atu evita. Dalabarak prende sira nia sasan ho kustu ne’ebé bo’ot, maibé sira nafatin halo tanba sira-nia nesesidade,” nia hateten iha Balibo, Bobonaro.

Nia hatutan sira propoin beibeik ona atu loke merkadu iha fronteira terrestre atu sidadaun sira la hakat ona ba sorin tanba sasan nesesidade bázika hotu iha fronteira iha. Maibé seidauk harii merkadu iha fronteira, seguransa forte mós sidadaun sei hakat liu nafatin hodi sustenta sira-nia moris loroloron nian.

Iha parte seluk, Komandante Unidade Patrullamentu Fronteira (UPF), Superintendente Polísia, Euclides Belo hateten tranzasaun ekonomia, liu-liu produtu sigarru, mina-gazolina, mina-rai no gazoel nafatin akontese.

“Tranzasaun ekonomia liu-liu sigarru, mina-gazolina, gazoel no mina-rai sempre iha nafatin. Ita esforsu tomak ho autoridade munisípiu no lider lokál sira halo edukasaun sívika nafatin ba ita-nia komunidade,” nia hateten.

Komandante Belo hateten sira iha ona postu hamutuk 48 ho membru hamutuk 300 resin, maibé seiduak bele kobre área hotu tanba fronteira terrestre luan. No sira mós servisu hamutuk ho Unidade Patrullamentu Marítima (UPM) atu kontrola tranzasaun sira via-tasi.

Nia hatutan sira aplika sansaun edukativu ba sidadaun sira ne’ebé komete iregularidade liu-liu através ilegál, sansaun mak tenke dekor inu nasional pátria-pátria.