Quinta, Dezembro 08, 2022
Total visitors: 692025

Governu liu hosi Sekretaria Estadu Koperativa (SCooP) funsiona fila fali merkadu tradisional iha fronteira terestre entre Timor-Leste ho Indonesia hodi fasilita komunidade sira halo negosiu husi dalan legal nune’e mos bele hamenus atividade negosiu ilegal.

Sekretariu SCooP, Elizario Ferreira, dehan merkadu tradisional lokaliza iha munisipiu Covalima iha postu admistrativu Fatumea hodi fasilita sidadaun husi Timor-Leste no Indonesia ne’ebe hela besik iha fronteira bele faan no sosa nesesidade bazika ba malu husi dalan legal.

Sekretariu SCooP, Elizario Ferreira, dehan merkadu tradisional lokaliza iha munisipiu Covalima iha postu admistrativu Fatumea hodi fasilita sidadaun husi Timor-Leste no Indonesia ne’ebe hela besik iha fronteira bele faan no sosa nesesidade bazika ba malu husi dalan legal.

“Governu liu husi Sekretariu Estadu Koperativa funsiona merkadu tradisional ne’e bele fasilia amizande entre sidadaun sira iha fronteira diak liu tan parte seluk mos redus aktividade merkadu ilegal,” SE Ferreira dehan.

Nia dehan, programa atu estabelese merkadu iha fronteira sai programa prioridade ba governu atu bele asegura bein estar populasaun nian espesifiku komunidade rai rua, nune’e ba oin sai merkadu ida ne’ebe nakonu ho pas no asegura turizmu nasional no internasional.

Enkuantu ne’e dehan estabele merkadu tradisional ne’e mos bazeia ba observasaun governu nian durante ne’e katak populasaun Timor-Leste no Indonezia iha kooperasaun ne’ebe diak, liu-liu kona ba seguransa inklui entre Unidade Polisia Fronteira (UPF) ho Tentara Nasional Indonesai (TNI) iha relasaun amizade ne’ebe diak tebes.

“Tanba ne’e ita garante katak funsionamentu merkadu tradisional ne’e sei lori benefisiu diak mai ita,” nia informa.

Enkuantu nia dehan, mekanizmu merkadu tradisional iha fronteira ne’ e, membru kooperativa mak sai hanesan autor estabelesimentu ba merkadu no loja kooperativa mak asegura jestaun no membru kooperativa mak ofrese produtu lokal iha loja.

Entretantu Administrador Postu Fatumea, Geraldo Orleans, hateten SECoop nia programa hodi estabelese merkadu tradisional iha fronteira ne’e diak tebes nune’e bele redus aktividade ilegal sira.

“Maibe governu tenke grante katak husi merkadu ida ne’e tenke benefisia duni ba povu se bainhira la benefisia ba povu mak hakarak ka lakoi sira utiliza liu dala ilegal,” Admistrador Fatumea Orleans dehan.