Quarta, Janeiro 19, 2022
Total visitors: 600398

Xefe Suku Comoro, Eurico da Costa de Jesus informa bazea ba rejistu uma kain hamutuk 2804 mak hetan afeta makas husi planu projetu turismu ne’ebe sei dezenvolve husi empreza Pelican Paradise Group Limited iha Tasi Tolu.

Xefe Suku Comoro, Eurico da Costa de Jesus informa bazea ba rejistu uma kain hamutuk 2804 mak hetan afeta makas husi planu projetu turismu ne’ebe sei dezenvolve husi empreza Pelican Paradise Group Limited iha Tasi Tolu.

Nia dehan projetu ida ne’e hahu kedas iha tinan 2008, ne’ebe iha loron rua liu ba governu asina ona akordu espesial investimentu ho empreza Pelican Paradise atu hahu obra, maibe sira seidauk simu informasaun ruma konaba retoma populasaun sira iha area projeitu.

“Hodiseik hodi bainrua iha tan kontratu ba Pelican Paradise ne’ebe atu halo. Area ne’ebe afetado mak Tibar no Comoro, liu-liu aldeia 12 de Outubro parte lagoa I to’o III ho total uma kain 2804 iha momentu ne’eba halo ona rejistu,” nia hateten iha servisu fatin Comoro, Dili.

Nia hateten sira seidauk hatene area ne’ebe mak sei utiliza ba projetu ne’e tanba Tasi Tolu ne’e area bo’ot ho 32 kilometru to’o iha foho hun.

Nia hatutan tuir informasaun investimentu ne’e sei transforma zona ne’eba sai zona turistiku ida ne’ebe iha futuru diak tanba sei harii hotel no turismu ambiental nian.

Iha parte seluk, Diretur Executivo Servsu Rejistu no Verifikasaun Empresarial, Institutu Publiku (SERVE, I.P), Florêncio da Costa Sanches hateten akordu espesial investimentu ho empreza Pelican Paradise ne’e hatudu ba investedor sira iha rai liur katak Timor apoia kualker investimentu.

“Ekonomikamente ita manan no politikamente mos ita manan tanba ita hatudu ona ba nasaun membru sira iha ASEAN katak Timor-Leste benvindu asina akordu ho investedor ne’ebe mai husi nasaun ASEAN nian,” nia hateten.

Nia hateten kompanhia ne’e hakarak duni apoia dezenvolve ekonomia rai laran tanba investimentu ho osan tokon atus hitu ne’e mai husi sira laiha orsamentu ruma husi orsamentu jeral do estado nian.

Nia informa investimentu ne’e sei ga bazea ba proposta ne’ebe hato’o inisiu projeitu sei fo servisu ba ema 10,000 no depois investimentu lao normal sei fo servisu ba ema barak liu tan, entau bele kria ona kampu servisu ba timor oan sira iha rai laran.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04