Quarta, Janeiro 19, 2022
Total visitors: 600398

Sekretario Jeral Cruz Vermelha de Timor-Leste (CVTL), Luis Pedro Pinto informa formasaun baziku primeiru sokorru seidauk to’o ba ema hotu, maibe importante tebes atu ema ida-ida iha konhesementu baziku primeiru sokorru hodi bele halo atendimentu baa an rasik no ema seluk iha situasaun emergensia laran.

Sekretario Jeral Cruz Vermelha de Timor-Leste (CVTL), Luis Pedro Pinto informa formasaun baziku primeiru sokorru seidauk to’o ba ema hotu.

“Tinan barak ona ami halao formasaun primeiru sokorru iha komunidade nia leet ligadu ho programa saúde no jestaun dezastre nian ba komunidade sira atu sira iha konhesementu, karik akontese dezastre sira bele responde, maibe la sufisiente nafatin,” nia hateten iha servisu fatin Formosa, Dili.

Nia dehan formasaun ne’ebe sira halao ba komunidade sira foku deit ba suku tarjeitu sira iha Dili laran, liu-liu suku sira ne’ebe risku ba akontese dezastre.

Nia hateten sira mos komersializa ona formasaun primeiru sokorru, liu-liu ba kompaña no instituisaun bo’ot sira ne’ebe hakarak kapasita funsionario no trabalhador sira iha area primeiru sokorru tanba ema barak sei menus konhesementu no abilidade asaun primeiru sokorru nian.

Nia informa CVTL nudar uniku organizasaun ne’ebe hetan ona akreditasaun husi Instituto Nasional Dezenvolvimentu de Mão de Obra (INDIMO) atu fo formasaun iha area primeiru sokorru nian iha rai laran.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04