Quarta, Janeiro 19, 2022
Total visitors: 600398

Diretora Nasional Vetenaria, iha Ministeriu Agrikultura no Peskas (MAP), Veterinário Joanita Bendita Jong hateten utilizasaun medikamentu antibiotika ba animal iha rai laran sei menus tanba ne’e risku ba resistensia antibiotika ba animal ki’ik.

Diretora Nasional Vetenaria, iha Ministeriu Agrikultura no Peskas (MAP), Veterinário Joanita Bendita Jong hateten utilizasaun medikamentu antibiotika ba animal iha rai laran sei menus.

Nia konsiente uzu antibiotika ba animal sei menus tanba produsaun rai laran sei ho eskalaun ki’ik no hakiak nain sira seidauk iha hanoin atu utiliza antibiotika hodi mantein sira nia produsaun.

“Ita nia uzu antibiotika iha animal sei ki’ik tebes kompara ho nasaun seluk, ne’e diak ba ita tanba ita ladun preokupa bainhira ita konsumu naan sira ne’ebe mak ita nia produtu iha rai laran. Maibe ita mos la garantia produtu husi rai liur ne’e livre husi resistensia antibiotika tanba ne’e ita promove ita nia produtu rai laran rajaun ita uza antibiotika ba animal sei ki’ik,” nia hateten bainhira sai orador ba symposium One Health ho tema Environment, Zooneses and Antimicrobial Resistance, iha Hotel Timor, Dili.

Nia dehan kada tinan governu aloka orsamentu besik $100,000 dolar Amerikanu hodi importa medikamentu inklui antibiotika, antiparasita, vitamina no ekipamentu hodi fo atendimentu ba animal sira iha teritorio nasional.

Nia hateten tipu antibiotika ne’ebe governu importa mai rai laran mak hanesan Tetracycline, Sulfonamide, Polypeptides, Penicillin, Macrolides, Fluorokuinolon no Cephalosporin hodi fo atendimentu saúde ba animal sira hanesan manu, fahi, karau no seluk tan iha teritorio nasional.

Nia informa iha tinan 2019, sira importa medikamentu ho kuantidade 55,8 kg hodi distribui ba iha sentru tratamentu ba animal iha munisipiu sira hodi fo atendimentu ba grupo hakiak nain sira nia animal ne’ebe moras.

Iha parte seluk, Diretur Nasional Farmasia no Medikamentu, iha Ministeriu da Saúde, Doutor Alipio Gusmão hateten iha tinan 2017, governu liu husi ministeriu da saúde no ministeriu agrikultura no peskas adopta ona aproximasaun one health atu bele halibur rekursu ema no finanseiru hodi kontrola servisu distribuisaun no utulizasaun antibiotika ba animal no ema.

Nia dehan ema presiza konsumu produtu animal ne’ebe saúdavel liu-liu livre husi resistensia antibiotika hodi fo nutrisaun ne’ebe diak ba ma nia isin tanba ne’e importante tebes atu kontrola utilizasaun antibiotika ba animal sira.

“Tuir peskiza hateten kuaze 60% husi moras ne’ebe ita ema hetan originalidade mai husi animal,” nia hateten.

Nia hateten governu liu husi aproximasaun One Health servisu hamutuk ho Menzies School of Health Research halao hela peskiza konaba moras zooneses no utilizasaun antibiotika ba animal no ema iha rai laran.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04