Quarta, Janeiro 19, 2022
Total visitors: 600398

Grupu Cafe Organiku Atsabe sai manan nain ba kompetisaun Festival Cafe Timor (FCT) ba tinan 2021 nian.

Grupu Cafe Organiku Atsabe sai manan nain ba kompetisaun Festival Cafe Timor (FCT) ba tinan 2021 nian.

Vise Prezidente Asosiasaun Cafe Timor, Afonso de Oliveira, hateten iha festival ne'ebe realiza ba tinan 2021 ne'e hamutuk dalan neen (6) ona no iha grupu inkliu mos kompanhia sira hamutuk 30 mak partisipa no nia sampel cafe hamutuk 227.

Nia hateten, husi sample café 227 ne'ebe mak grupu sira aprezenta ne'e asosiasaun transporta ba juri sira husi internasional mak halo teste ba cafe sample refere hodi determina ida ne'ebe mak kualidade diak liu.

"Husi grupu 30, grupu Organik Cafe Atsabe mak sai manan nain ba kompetisaun Festival Cafe Timor tanba husi rezultadu teste ne'e juri sira dehan sira nia cafe mak kualidade diak liu," Vise Prezidente ACT Oliveira heteten iha Fundasaun Oriente, iha Dili.

Nia hateten, manan nain ba festival ne'e hetan prezente osan $300 no material seluk ne'ebe mak bele kuidadu kualidade cafe nafatin.

Alende nia dehan, festival ne'e hala'o durante semana ida iha Dili no hetan apoiu husi governu no ADB ho montante $20,000 hodi realiza programa refere.

Iha fatin hanesan, Prezidente Juri Daniel Leos, hateten husi sampel 227 ne'e grupu sira aprezenta ne'e iha sampel 90 mak pasa ho valor 80 resin.

"Valor 80 resin ne'e iha grupu Cafe Organiku Atsabe mak sai manan nain ba kompetisaun Festival Cafe Timor ho valor 85," Prezidente Juri Leos hateten.

Tanba ne'e parabens ba grupu Cafe Organiku Atsabe ne'ebe mak aprezenta ona Cafe ho kualidade diak liu iha festival ida ne'e.

Entretantu Kordenador Cafe Organiku Atsabe, Mariano da Costa, hateten servisu ida cafe ne'e laos ema ida mesak deit, maibe servisu ekipa no ema hotu nia esforsu.

"Hau orgullu tebes ho esforsu tomak ne'ebe durante hodi kria formatu diak konaba oinsa bele produs cafe ne'ebe mak ho kualidade diak no lori ami nia grupu sai manan nain ba kompetisaun featival cafe Timor ba tinan 2021," nia hateten.

Alende ne'e dehan, kompetisaun ne'e nia partisipa dala rua ona iha tinan 2019 sira mak sai manan nain, nune'e mos iha 2021 nian. Tanba ne'e nia dehan, sira sei serviasu hamutuk nafatin tuir formatu ne'ebe sira iha hodi kuidadu nafatin kualidade cafe.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04