Quarta, Janeiro 19, 2022
Total visitors: 600398

Jestor Aliansa Nasional Controlu Tabaku (ANCT-TL), Sancho Belito Fernandes hateten aproximasaun hasa’e taxa tabaku ne’ebe diak tuir Organizasaun Mundial Saúde (OMS) mak excise tax minimu 70% husi presu retalho, signifika $45 dolar Amerikanu kada kilograma.

Jestor Aliansa Nasional Controlu Tabaku (ANCT-TL), Sancho Belito Fernandes hateten aproximasaun hasa’e taxa tabaku ne’ebe diak tuir Organizasaun Mundial Saúde (OMS) mak excise tax minimu 70% husi presu retalho, signifika $45 dolar Amerikanu kada kilograma.

Nia dehan sira apresia ho inisiativa governu nian, liu husi deklarasaun Primeiru Ministru Taur Matan Ruak nian atu hasa’e taxa tabaku husi $19 dolar Amerikadu kada kilograma ba $25 dolar Amerikanu, maibe aproximasaun ne’e la efetivu no la fo influensia ba presu tabaku iha merkadu tanba ne’e presiza estuda didiak evidensia mundial sira konaba taxa tabaku nian molok foti desizaun.

“Governu uza aproximasaun ne’ebe ami sujere, ami nia estimasaun kada tinan governu sei hetan rendimentu liu husi taxa tabaku nian $64 miloens kompara ho agora jeralmente iha deit $15 miloens hahu husi tinan 2012, to’o mai agora,” nia hateten liu husi konferensia imprensa ne’ebe halao iha Mandarin, Dili.

Nia hateten aproximasaun seluk ne’ebe governu tenke konsidera mak kobre taxa kada unidade ou kada tabaku lolon, labele tuir todan ou kilograma tanba bainhira importasaun barak la fo impaktu ba folin iha merkadu no posibilidade fo benefisiu ba industria tabaku atu hetan lukru husi taxa liu husi sira produs tabaku ne’ebe kaman.

Nia hateten aproximasaun ida ne’e mak unika dalan atu redus jerasaun foun sira konsumu tabaku no promove moris saúdavel tanba taxa ne’ebe a’as sei hatama rendimentu ba estado no influensia direita presu tabaku iha merkadu.

Enkuantu, antes ne’e Primeru Ministru Taur Matan Ruak deklara katak iha tinan orsamental tuir mai governu sei propoin aumentu foun ba taxa impostu seletivu husi konsumu aplikavel inklui tabaku tanba dadus mundial hatudu Timor-Leste nasaun ne’ebe prevalensia fumador a’as liu, liu-liu entre joventude.

“Ho objetivu atu prevene konsumu tabaku, produtu ne’ebe ho ninia prejuizu bo’ot ba saúde preve katak aumentu taxa impostu seletivu ba konsumu aplikavel ba tabaku daudaun ne’e dollar Amerikanu 19 kada kilograma sa’e ba dollar amerikanu 25 kada kilograma, aumentu ne’ebe parlamentu nasional sujere ona ba governu iha tinan kotuk,” nia hateten iha sesaun abertura diskusaun orsamentu jeral do estado tinan 2022, iha parlamentu nasional.

Nia dehan governu tenke utiliza taxa impostu nian hodi promove adosaun ba populasaun nia komportamentu saúdavel.

Iha parte seluk, Diretur Executivu Forum NGO Timor-Leste (FONGTIL), Daniel Santos do Carmo kritika governu, liu-liu ministeriu finansas ne’ebe lahalo estudu klean ba susesu nasaun seluk nian intermus kobre taxa tabaku nian tanba $25 kada kilograma ne’e la efetivu la lori benefisiu ba saúde publika.

“Estado atu halo desizaun ne’e labele hanoin deit atu hetan rendimentu. La podia estado dependensia atu hetan taxa husi tabaku, maibe bele halo buat seluk hodi hetan taxa,” nia hateten.

Nia dehan kada tinan governu halo despeza bo’ot haruka sidadaun sira ba rai liur hodi halo tratamentu ba moras kronika lahada’et sira ne’ebe provoka husi fuma tabaku.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04