Quarta, Janeiro 19, 2022
Total visitors: 600398

Governu liu husi Ministeriu Agrikultura no Pesca (MAP) husu Asosiasaun Cafe Timor (CAT) kuntinua kuidadu kualidade produsaun café iha rai laran tanba ema barak iha mundu konsumu cafe Timor.

Ministru MAP, Pedro dos Reis, hateten koalia konaba kuantidade produsaun cafe, Timor-Leste hanesan no nasaun sira seluk, maibe konaba kualidade Timor nian diak liu.

Ministru MAP, Pedro dos Reis, hateten koalia konaba kuantidade produsaun cafe, Timor-Leste hanesan no nasaun sira seluk, maibe konaba kualidade Timor nian diak liu.

"Ita husu ba Asosiasaun Cafe Timor (ACT) no nia sira hanesan Coperativa Cafe Timor, Timor Global, atu kuidadu nafatin kualidade cafe tanba cafe Timor foti ona Timor nia naran iha mundu internasional," Ministru MAP Reis hateten.

Iha fatin hanesan, Prezidente ACT, Evangelinho Monteiro Soares, hateten ezistensia ACT durante tinan 6 nian laran konsegue lori ona cafe ba rejisto ona iha Organizasaun Cafe Mundial, no mundu tomak hatene katak Timor iha Cafe ne'ebe mak diak tebes.

Nia hateten, esforsu ne'ebe mak durante ne'e asosiasaun halo mak halo sosializasaun ba Timoroan tomak katak tenke sai nain ba cafe, asosiasaun mos halo ona treinamentu ba argikultor produsaun cafe sira konaba oinsa atu produs cafe ne'ebe mak ho kualidade diak.

"Ita fo treinamentu ba to'os nain, membru asosiasaun sira atu bele kuidadu kualidade no ita nafatin esforsu no servisu hamutuk hodi responde ba merkadu nasional no internasional, ACT prontu hodi reprezenta nasaun hodi promove cafe ba mundu," Prezidente ACT Monteiro hateten.

Nia hateten, atu promove cafe Timor asosiasaun servisu hamutuk ho to'os lain sira, membru asosiasaun iha munisipiu sira ne'ebe mak iha cafe nune'e mos barista sira iha loja sira nune'e mos exportasaun ba mundu internasional.

"Ita nia cafe Timor nia kualidade la lakon iha mundu, maioria ema iha mundu mak konsumu ona cafe Timor," nia informa.

Tanba ne'e nia dehan, atu kuidadu kualidade cafe kada tinan kuandu tempu produs cafe asosiasaun sempre halo uluk treinamentu ba to'os nian sira mak foin kuda.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04