Quarta, Setembro 22, 2021

Governu liu husi Ministeriu Solidaridade Sosial no Inkluzaun (MSSI) apoiu ona orsamentu ho montante 1.2 milhoens ba Instituisaun Solidaridade Sosial (ISS) hamutuk 26 ne'ebe durante halo sira nia servisu sosial iha baze.

Diretor Jeral MSSI, Rui Manuel Exposto, hateten MSSI apoiu ona orsamentu ho montante 1.2 milhoens ba Instituisaun Solidaridade Sosial (ISS) hamutuk 26.

Diretor Jeral MSSI, Rui Manuel Exposto, hateten instituisaun sosial 26 ne'e mak inklui sentru komunitaria, uma mahon, instituisaun difisiensia, orfornatu, no seluk tan.

"Orsamentu ne'ebe ita apoiu 1.2 milhoens ba Instituisaun Solidaridade Sosial (ISS) 26 ne'e hodi apoiu sira implementa programa sira ne'ebe mak sira aprezenta ona mai ita," DG MSSI Exposto hateten.

Nia dehan, apoiu ne'e bazeia ba proposta ne'ebe mak sira hatama ba governu hodi husu tulun, no instituisaun hirak ne'e hetan apoiu orsamentu ho montante la hanesan tanba bazeia ba proposta.

"Liu husi orsamentu ne'ebe ita apoiu ne'e ita enkoraja nafatin instituisaun hirak ne'ebe mak sai benefisiariu ba orsamentu ne'e atu utiliza lolos hodi implementa programa nune'e mos tenke halo relatoriu," nia salienta.

Enkuantu nia dehan, oras ne'e dadaun MSSI kria ona ekipa kompostu husi Prevedoria Direitos Humanus (PDHJ) no Gabinete Primeiru Ministru hodi bele halo monitorizasaun ba implementasaun programa husi ISS 26 ne'e mak hetan apoiu orsamentu husi governu.

Entretantu, Diretor Ezekutivu Asosiasaun Halibur Difisiensia Matan Timor-Leste (AHDMTL) Gaspar Afonso hateten, total orsamentu ne'ebe sira hetan hamutuk $63.296, no orsamentu ne'e ba programa advokasia, edukasaun, kapasitasaun no apoiu kustu operasional.

"Osan ne'e la sufisiente ba ami nia programa tanba ami iha programa barak tebes ne'e mak ami aprezenta iha asina akordu ne'e," nia hateten.

Tanba ne'e, nia sujere ba governu ba futuru orsamentu apoiu ba Instituisaun Solidaridade Sosial tenke aumenta ba 2 milhoens.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04