Quarta, Setembro 22, 2021

Presidente Konselho Forum NGO Timor-Leste (FONGTIL), Elisabeth Lino de Araújo hateten dialogu ne’e importante atu fahe informasaun ba malu hamutuk hare problema disputa rai ne’ebe akontese iha rai laran tanba desde independensia kazu disputa rai entre individu ho individu, individu ho kompanha no komunidade ho estado aumenta makas.

Presidente Konselho Forum NGO Timor-Leste (FONGTIL), Elisabeth Lino de Araújo hateten dialogu ne’e importante atu fahe informasaun ba malu hamutuk hare problema disputa rai ne’ebe akontese iha rai laran tanba desde independensia kazu disputa rai entre individu ho individu, individu ho kompanha no komunidade ho estado aumenta makas.

Nia dehan sosiedade sivil, liu-liu organizasaun sira ne’ebe hamahon aan iha Rede ba Rai hala’o peskiza ba programa governu nian iha treinu identifika lakuna lubun ida no nafatin halo advokasia atu hadia serisu sira tanba problema seriu.

“Ami parseiru ita bo’ot sira nian, parseriu ne’ebe kritiku laos la gosta governu, maibe halo diak liu tan governu nia servisu iha treinu no satisfasaun ba ema hotu ne’ebe iha direitu autorizasaun propriedade estado nian no sira ne’ebe iha tempu pasadu kolonialista sira husik hela,” nia hateten wainhira partisipa iha forum dialogu entre orgaun lejizlativu, ezekutivu ho sosiedade sivil ba asuntu garante direitu ba rai no propriedade, ne’ebe organiza husi FONGTIL iha salaun CNE Colmera, Dili.

Nia hateten dezde ukun aan iha projeitu ida bolu Ita nia rai registu disputa barak, no iha tinan 2015, governu lansa tan projeitu ida Servisu Nasional Kadastru registu mos disputa barak.

Nia hatutan iha tinan 2021, sira simu kazu lubun ida hanesan kazu disputa rai entre komunidade no governu iha munisipio Aileu, kazu Kaikoli, Aeroportu Dili no seluk tan tanba ne’e governu presiza rezolve ho diak, liu-liu trata komunidade ho dignu.

Entretantu, Peskizador Rede ba Rai, Mariano Ferreira hateten projeitu Sistema Nacional Cadastro (SNC) ne’ebe halao iha teritorio tomak ne’e laiha kualidade no sei hamosu problema iha future mai, wainhira governu distribui sertifikadu titlu rai ba komunidade sira.

Nia fo ezemplu ida konaba rai eransa ne’e tuir lei ema barak maka hela, sekuandu SNC ba sukat hotu rai sira iha teritorio nasional inklui rai eransa sira ne’e nain maka se, ne’e komplikadu no sei hamosu problema.

“Dadus ne’e importante atu halo dezenvolvimentu, maibe dadus laloos no informasaun sira sala maka problema nafatin ita la rezolve,” nia hateten.

Nia hateten projeitu Sistema Nacional Cadastro (SNC), ne’e hala’o husi kompanha rua maka kompanha nasional GMNH no kompanha internasional ARM-APPRIZE husi Portugal ho montante orsamentu $57 milliaun.

Iha parte seluk, Diretur Jeral Terras Propriedades, Rodrigo de Mendonça hateten teknikamente la duvida ho kualidade dadus husi projeitu SNC nian tanba prosesu rekolha dadus sira ne’e ho sistema.

“Teknikamente ami laiha duvida konaba kualidade dadus SNC nian, maibe futuru atu fo direitu ba ema maka diresaun iha komptensia atu halo re-identifikasaun ba treinu, wainhria rai sira ne’e keta halo transferensia ba ema seluk presiza idnetifika atu fo direitu ba komunidade sira,” nia hateten.

Nia hateten dadus SNC nian hatudu kazu disputa rai barak hanesan disputa baliza no okupasaun illegal, maibe iha balun ne’ebe rezolve ona iha treinu. Disputa sira ne’ebe labele rezolve iha treinu registu iha nasional no lakonsege rezolve rai sira ne’e tau hela lina mean hodi hein komisaun terras ne’ebe sei harii maka rezolve asuntu ne’e tanba tuir lei sira maka iha kompetensia.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04