Centro Nasional Cega (CNC) identifika ona sitiu historiku hat (4) inklui Casa Europa, Camara Ekleziastika Dioseze Dili, Uma Adat Tasi Tolu, no Kolmera Santai hodi halo rehabilitasaun

Diretor Ezekutivu CNC, Metodio Caetano Moniz, hateten konaba rehabilitasaun sitiu historiku hat ne'ebe mak identifika ona ne'e CNC sei servisu hamutuk ho Ministeriu Turismu Komersiu no Industria (MTCI).

Diretor Ezekutivu CNC, Metodio Caetano Moniz, hateten konaba rehabilitasaun sitiu historiku hat ne'ebe mak identifika ona ne'e CNC sei servisu hamutuk ho Ministeriu Turismu Komersiu no Industria (MTCI).

"Sitiu historiku ne'e tenke halo rehabilitasaun tanba CNC nudar instituto publiku ne'ebe estabelese ho dekretu lei numero 48/2016 ho nia servisu mak halo prezervasaun ba memoria pasadu no sitiu historiku iha Timor," nia hateten.

Tanba ne'e nia dehan prosesu halo rehabilitasaun ba sitiu hahu halo ona prosesu rehabilitasaun, no orsamentu husi parte MTCI ho CNC mak tau.

"Oras ne'e dadaun ita halo uluk prosesu rehabilitasaun ba sitiu historiku 4 ne'e depois iha tinan oin ita halo fali ba sitiu historiku hitu (7) seluk," nia hateten.

Alende ne'e nia degan, iha tinan oin sei halo rehabilitasaun ba sitiu historiku Ponte Kais, monumentu 7 de Dezembru, Pusat Budaya Indonesia, Seminteriu Santa Kruz, Monumentu Marabia, Palacio Nobre Lahane, no Komarka Antigu Balide.

"Prosesu rehabilitasaun ba sitiu historiku iha tinan oin ita mos presija tau osan hodi promove no dezenvolve fatin historiku sira," Diretor Ezekutinu Caetano hateten.

Entretantu Diretor Jeral MTCI, Joselino Soares, hateten servisu hamutuk ne'ebe mak MTCI halo ho CNC lao diak tebes liu-liu konaba prosesu rehabilitasaun sitiu turistiku sira.

"Ita apoiu rehabilitasaun ba sitiu historiku sira no promove fatin historiku sira sai diak liu tan tanba fatin sira ne'e mos sai hanesan fatin turismu," nia dehan.

Tanba ne'e nia dehan, banhira prosesu rehabilitasaun governu sei intala fasilidade sira hodi fasilita vizitante sira bainhira vizita.

"Fatin historiku sira ita presija dezenvolve sai fatin turistiku hodi atrai ema estdangeiru nune'e mos sidadaun nasional bele vizita nune'e mos kuntribui reseita ba kofre estadu," DG MTCI Soares salienta.