Terça, Agosto 03, 2021

Diretora Executiva Servisu Autonomu Medikamentu no Ekipamentu Saúde (SAMES), Santana Martins hateten produtu suplementu nutriente barak estragadu tanba impaktu husi inundasaun ne’ebe akontese iha loron 4 fulan Abril 2021.

Diretora Executiva Servisu Autonomu Medikamentu no Ekipamentu Saúde (SAMES), Santana Martins hateten produtu suplementu nutriente barak estragadu.

Nia salienta sira seidauk hatene kuantidade lolos husi produtu sira ne’ebe hetan estragadu inklui produtu suplementu nutriente sira tanba sei iha prosesu verifikasaun.

“Produtu ne’ebe ita fo sai iha ne’eba, kuaze $1.1 miliaun maka estragadu. Tanba ne’e maka ami planu tinan 2022, ita presiza armajen urgente atu asegura ita nia produtu sira ne’e ho seguru,” nia hateten iha servisu fatin Kampung Alor, Dili.

Nia dehan produtu estragadus sira ne’e barak liu maka ekipamentu protesaun pesoal, konsomoves no produtu suplementu nutriente nian hanesan susuben F 75 no F 100 ba tratamentu malnutrisaun kronika iha hospital, no suplementu micronutriente seluk ba tratamentu malnutrisaun kategoria moderadu nian.

Nia hateten produtu estragadu sira ne’e seidauk halo destroisaun tanba jestaun farmasia nian produtu ne’ebe a’at tenke verifika no submete ba ministra da saúde hetan aprovasaun maka halo destroisaun.

Nia informa produtu sira ne’e balun sosa ho orsamentu estado nian no barak mos hetan doasaun husi parseiru sira.

Iha parte seluk, Reprejentante UNICEF iha Timor-Leste, Bilal Aurang Zeb Durrani hateten inundasaun ne’ebe akontese estraga produtu barak iha armajen SAMES nian inklui mos produtu suplementu nutrient sira tanba ne’e sira halo ona kordenasaun ho parseiru atu aselera prosesu akizasaun ba suplementu nutriente sira.

“Ami servisu besik liu ho parseiru, partikularmente DFAT Australia no Uniaun Europea atu asegura katak suplementu sira ne’ebe estragadu ita bele prense fila fali lacuna ida ne’e,” nia hateten.

Nia informa tinan 2022, sira halo ona akizasaun ba suplementu nutriente sira hanesan Ready to use therapeutic foods (RUTF) 6300 kaixa, susuben F 75 ho kuantidade 500 no F100 iha 500, no inklui mos micronutriente ba inan isin rua sira.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04