Terça, Agosto 03, 2021

Komunidade iha teritoriu laran kuaze 75% mak asesu ona bee moos husi Programa Nasional Dezenvolvimentu Suku (PNDS).

Diretora Jeral PNDS, Claudia Soares Pinto, hateten durante implementa PNDS iha 2013 liu-liu iha setor agua no sanimentu nian konsegue konkliu ona projetu hamutuk 2,000 resin.

Diretora Jeral PNDS, Claudia Soares Pinto, hateten durante implementa PNDS iha 2013 liu-liu iha setor agua no sanimentu nian konsegue konkliu ona projetu hamutuk 2,000 resin.

“Husi projetu 2,000 resin ne’e foka liu ba instalasaun bee moos mos ba komunidade sira, tuir dados ne’e ita iha hatudu katak komunidade 75% mak asesu ona ba be’e moos husi Programa Nasional Dezenvolvimentu Suku,” DJ Pinto hateten iha knar fatin Dili.

Nia dehan, durante implementasaun projetu PNDS nian ne’e foka liu ba bee tanba komunidade iha area nasional no lokal maioria aprezenta problema falta be’e moos.

“Iha ami nia menu indikativu PNDS ne’e iha setor lima mak hanesan, saneamentu no be’e moos agrikultura, edukasaun, saude no infrastrutura estrada rural,” nia hateten.

Maibe nia dehan, husi setor hirak ne’e be’e moos no saneamentu mak sai programa prioridade liu ne’ebe mak deside husi komunidade.

Iha parte seluk Prezidente Autoridade Postu Amistrativu Soibada, Munisipiu Manatuto, Faustino Sarmento Lopes hateten, liu husi PNDS nia rezultadu pozitivu tebes tanba dadaun ne’e komunidade hotu bele asesu ona be’e moos ho diak.

“Uluk programa PNDS seidauk implementa iha postu Soibada ne’e iha suku rua deit mak asesu ba be’e mos ho diak, suku tolu seluk la iha,” Prezidente Autoridade Postu Soibada Lopes informa via telfone.

Tanba ne’e agradese tebes ba ekipa Programa Dezenvolvimentu Suku (PNDS) nia implementasaun programa diak tebes hodi responde ba ezijensia komuidade nian no ohin loron komunidade Soibada asesu ba be’e moos ho diak tebes.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04