Terça, Agosto 03, 2021

Governu liu husi Sekretaria Estadu Arte no Kultura (SEAK) identifika ona sitiu turistiku rua hanesan Ramelau iha munisipiu Ainaru no Waimori iha munisipiu Viqueque hodi halo intalasaun linha eletrisidade.

Governu liu husi Sekretaria Estadu Arte no Kultura (SEAK) identifika ona sitiu turistiku rua hanesan Ramelau iha munisipiu Ainaru no Waimori iha munisipiu Viqueque hodi halo intalasaun linha eletrisidade.

Sekretariu Estdau SEAK, Teofilho Caldas, hateten sitiu turisku rua ne’e durante ne’e konhesidu ona no hetan vitiza barak husi komunidade nasional no internasional, maibe area refere seidauk halo instalasaun eletrisidade.

“Sitiu turistiku rua ne’e ita identifika ona, ita iha ona lina kordenasaun ho parte Eletrisidade Timor-Leste (EDTL) hodi halo intalasaun ahi,” SEAK Caldas hateten.

Nia dehan, durante ne’e husi sitiu turistiku rua refere mos hatama ona reseitas barak ba kofre estadu, tanba ne’e governu tenke dezenvolve diak liu tan hodi atrai vizitante sira.

“Alende ita halo instalasaun eletrisidade ita mos sei prepara kondisaun minimu hodi fasilita turista sira bainhira mai vitiza,” nia hateten.

Entretantu Prezidente Konselho Admistrativu EDTL, Paulo da Silva, hateten EDTL hanesan instituisaun estadu nian prontu apoiu SEAK hodi dada ahi ba sitiu turistiku ne’ebe identifikadu ona.

“Ami prepara ona dados no distansia husi sitiu ba estrada publiku no modelu dezenvolvimentu eletrisidade saida mak atu aplika ba iha sitiu turistika rua ne’e,” Predizente EDTL Silva hateten.

Tanba ne’e nia dehan, iha sitiu rua ne’ebe mak identifikadu ona ida iha Waimori ne’e mak besik liu komunidade tanba ne’e tenke iha mos kordenasaun husi autoridade lokal sira.

“Dadaun ne’e EDTL prepara ona dezenhu BOQ hodi hakat ba prosesu konkursu nune’e hodi bele halo servisu intalasaun ahi,” nia hateten.

Tanba ne’e nia dehan, EDTL prontu hodi apoiu intalasaun ahi ba sitiu turistiku sira iha Timor no husu Sekretariu Estadu Arte Kultura tenke submete dados sitiu sira ne’ebe mak seidauk instala eletrisidade.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04