Domingo, Junho 20, 2021
Total visitors: 566016

Ministru Agrikultura no Peskas (MAP), Pedro dos Reis hateten inundasaun ne’ebe akontese iha loron 4 fulan Abril tinan 2021, estraga area kultivu hare kuaze 1,800 hektares iha teritorio.

Ministru Agrikultura no Peskas (MAP), Pedro dos Reis hateten inundasaun ne’ebe akontese iha loron 4 fulan Abril tinan 2021, estraga area kultivu hare kuaze 1,800 hektares iha teritorio.

Nia dehan produsaun rai laran, liu-liu hare foin tama iha faze koleta tanba ne’e seidauk bele hatene nia produsaun.

“Total area kultivu iha tinan 2021, liu-liu premeru epoka ne’e iha 24,000 resin hektares, soke iha inundasaun loron 4 fulan Abril ne’e estraga tiha 1,800 hektares iha munsipiu Manatutu no munisipio seluk. entau ami konsege salva deit 22,900 hektares, ne’ebe dadaun ne’e koleta hela,” nia hateten iha Palacio Sinzas Kaikoli, Dili.

Nia konsente dezafiu bo’ot ne’ebe Timor-Leste hasoru maka inseguransa aihan, liu-liu iha situasaun emergensia ligadu ho surtu Covid-19 tanba kondisaun ne’e obriga governu foti desizaun politika sira, ne’ebe limita movimentu sidadaun sira nian.

Iha parte seluk, Membru Parlamentu Nasional, Deputada Domingas dos Santos, ejiji governu atu fo apoia makina koa hare ba agrikultor sira iha munisipiu ho proudsaun hare makas hanesan munisipio Bobonaro, hodi fasilita servisu ho efetivu no efisensia tanba agora tempu koleta hare.

“Iha Maliana agrikultor sira presiza makina koa hare nian tanba produsaun makas, maibe sira koa hare manueal deit lori tempu naruk no kustu ne’ebe bo’ot,” nia hateten.

Nia dehan kustu bo’ot tanba sira tenke hasai osan hodi selu ema ajuda koa hare no prepara aihan ba ema hira ne’ebe halo servisu.

Nia hateten MAP tenke identifika nesesidade agrikultor sira nian atu bele ajuda hodi halao servisu hasa’e produsaun rai laran hodi responde ba nesesidade nasional nian, liu-liu seguransa aihan.

Nia hatutan governu presiza identifika ona produtu lokal hira ne’ebe iha valor ekonomia a’as hodi halo investimentu atu bele ajuda ekonomia familia no nasaun nian.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04