Domingo, Junho 20, 2021
Total visitors: 566016

Sekretariu Estadu Protesaun Sivil (SEPS) hahu ona halo distribauisaun material konstrusaun hodi rekopera hikas hela fatin vitima sira nia uma ne’ebe hetan estragus total husi dezastre naturais foin lais iah fulan abril iha Munisipiu Dili.

Xefe Departamentu Jestaun Emergensia, SEPS, Ermelinda Pires hateten, apoiu rekoperasaun ne’e SEPS hahu distribui uluk ba vitima dezastre naturais hamutuk 37 iha suku Balibar postu admistrativu Cristo Rei munisipiu Dili.

Xefe Departamentu Jestaun Emergensia, SEPS, Ermelinda Pires hateten, apoiu rekoperasaun ne’e SEPS hahu distribui uluk ba vitima dezastre naturais hamutuk 37 iha suku Balibar postu admistrativu Cristo Rei munisipiu Dili.

“Dadaun ne’e ita hahu distribui material rekoperasaun hodi konstrui hela fatin vitima sira nian,” nia dehan.

Nia dehan, material konstrusaun refere governu apoiu ne’e mak hanesan kalen, pregu, besi, barra, arame, simentu, no mos osan maun de obra hodi selu badaen.

Nia dehan, ba sira ne’ebe hetan estragus kaman, simu kalen ho pregu no osan maun de obra hamutuk $150 tanba sira la’os halo konstrusaun foun maibe rehabilita deit sira nia fatin.

“Total uma ne’ebe hetan estragus husi dezastre naturais ne’ebe akontese iha dia 4 abril ne’e iha Dili hamutuk 1.785 ne’e ita hahu distribui uluk ba vitima 37 iha suku Balibar nian depois ita ba fali suku seluk,” nia hateten.

Nia dehan, dadaun ne’e governu hahu distribui ona material konstrusaun ba vitima sira ne’ebe identifika ona maibe iha ekipa ida nafatin halo identifikasaun tanba seidauk foti dadus to’o munisipiu afetadu sira iha rai laran tomak.

Iha fatin hanesan, Xefe Suku Balibar Afonso Pereira, agradese tebes ba apoiu ne’ebe governu halo hodi tulun netik komunidade iha situasaun klamidade ida ne’e.

“Vitima ne’ebe uma hetan estragus total husi inundasaun iha suku Balibar hamutuk 37 maibe ohin sira hetan ona apoiu maibe ita nia vitima hamutuk 66 seidauk hetan apoiu emergensia husi governu,” nia dehan.

Tanba ne’e nia dehan, ohin governu apoiu ne’e iha parte rua nian primeiru apoiu material rekoperasaun uma ba vitima hamutuk nain 37 no apoiu ai han ba vitima hamutuk nain 66 ne’ebe seidauk hetan apoiu emergensia nian.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04