Domingo, Junho 20, 2021
Total visitors: 566016

Membru Parlamentu, Deputado Leandro Lobato hateten governu tenke buka mekanismu servisu hamutuk ho banku sira no instituisaun finanseiru legal sira atu konsidera situasaun ekonomia kreditor sira nian no fo toleransia ba sira tanba aplikasaun serka sanitaria iha munisipios, sira susar hetan rendimentu hodi fo fila fali osan inan no funan ba banku sira.

Membru Parlamentu, Deputado Leandro Lobato hateten governu tenke buka mekanismu servisu hamutuk ho banku sira no instituisaun finanseiru legal sira atu konsidera situasaun ekonomia kreditor sira nian no fo toleransia ba sira.

Nia dehan medida serka sanitaria fo impaktu positivu ba redus propagasaun surtu Covid-19, maibe lori konsekuensia negative ba sosio ekonomia povu nian, liu-liu negosiante informal sira ne’ebe antes ne’e foti ona kreditu iha banku sira.

“Ho implementasaun serka sanitaria lahetan osan, entau sira atu selu sira nia kreditu ne’e kusta loos, maibe banku sira kada semana no fulan ba tuir sira. Tanba ne’e ita hanoin katak governu hare planu ida kopera ho banku sira fo toleransia ba ita nia sidadaun sira ne’ebe asesu ba kreditu, atu bele hakaman netik sira nia situasaun ida ne’e,” nia hateten iha plenaria, foin lalais ne’e.

Iha parte seluk, kordenador Sekretariadu Core Grupo Transparency Timor-Leste (CGT-TL), Sabino Gusmão Fitun hateten rezultado observasuan ne’ebe sira halao iha munisipio aplikasaun serka sanitaria hanesan Baucau Covalima, Ermera, Dili, Aileu, Bobonaro no Lautem hatudu katak meus ou desizaun politika sira ne’ebe foti fo ona impkatu negative lubun ida ba sosiedade, alende impaktu positivu.

Nia dehan sira deskobre katak hahu husi estado emergensia faze premeru to’o actual, ajente ekonomiku informal sira ne’ebe antes ho rendimentu $0,50 -$1.00 agora la hetan. Maibe kada fulan sira tenke fo fila osan funan inklui nia kapital ho valor $48.90 ou balun to’o $85.00, depende valor ne’ebe sira foti kreditu.

“Bazea ba problema ne’ebe ajente informal sira hasoru liga ba kreditu sira ne’ebe halo, ami rekomenda ba governu atu buka mekanismu ida oinsa atu identifika ajente sira ne’ebe durante ne’e fo kreditu ho atividade legal atu bele fo tempu ba kreditor sira no hatun nia funan durante estado emergensia, atu alende sir abele fo fila osan, maibe iha parte ida sira mos bele moris ho rendimentu ne’ebe laiha serteja,” nia hateten.

Nia dehan situasaun ida ne’e obriga benefisiariu balun tenke halo esforsu atu hetan rendimentu liu husi deve tutan hodi taka tusan iha banku tanba banku sira la fo toleransia no sira balun hanoin barak to’o moras.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04